ÎZMÎR - Keyeyê Kurd Elewî yê ke taxa Yamanlarî keyeyê înan ameyî nîşankerdene, dîyar kerdî ke bi komêke broşurê tifaqê Cumhur vila kerdêne dir munaqaşa kerdê û dimayê nê na hadîse ameye ciwîyene. Keyeyan va verê weçînayîşî polîtîkayê provakasyon û tersî zêde bîyê.   

 

Qezaya Karşiyaka yê Îzmîrî Taxa Yamanlar ke welatiyê Kurd zêde ci de cuyenê, vejîya meydan ke dêsê 6 keyeyan bi boyaxê sûr ameyê nîşan kerdiş. Keyeyê Elewîyê Kurd yê ke ‘Kuçeyê Meletîyan’ de ciwîyenê, dêsê xo nîşankerde vînayî. Keyeyan reaksîyon vera hedîseyan dayî û vatî hewl yeno dayene ke hizurê kuçeyî bêro xerakerdene û vatî dimayê xebatê weçînayîşî Tifaqê Cumhur ra dima hedef ameyî ramojnayîş. 

 

'Ma nêeşkenê xo înkar bikerê'

 

Cemîle Yerduta Dêrsim ra koç kerda wina va: "Ma înan ra waşt ‘wazenê ma bi vêşanî terbîye bikerê.’ Cîranê ma vînayî. Ma nêzanê kam kerdo. La keyeyê ke ameyê nîşankerdene keyeyê Kurdê Elewîyan o. Ma Kurd ê, ma xo înkar nêkenê.” 

 

'Wa kes nêro provakasyonan’   

 

Cemîleye da zanayene ke verê weçînayîşî nê hedîseyî zêde bîyê û va vatişê serekomar zî bi tesîr ê û wina va: "Bi 30 serrî yo ma na taxe de yê. Cîranê ma yê sunî û Tirk estê. Heta nika ma bi tu kesî dir problem nêcuyayê. Wa kes nêro provakasyon. Mereş, Meletî, Mersîn û Menemî de zî eynî çî kerdî." 

 

‘Hewl dayî provoke bikerê' 

 

Hemwelatîya taxe Esma Agkule zî arde ziwan ke înan munaqeşa de vato ma rayanê xo nêdanê tu kesî û va kome hewl dayo ke înan provoke bikero û wina va: "Ma broşur girewt, la ma munaqeşe kerd. Mi ra vatî ‘tu çira hende pirr bîya.' Mi zî va ma Kurd ê, Elewî yê. Ma vera polîtîkayan bi reaksîyon ê.”