Gulîstan Azak

 

AMED - Amed de xebatê weçînayîşî bê mabên dewam kenê, şarî dîyar kerd ke do adirê Newroze berê sindoqê weçînayîşî û wina vatî: "No weçînayîşî de serkewtiş do  ê şarî bibo. Do bi varanê Nîsane dir qayûm bajaran ra bêro pakkerdene."

 

Weçînayîşê herêmî yê 31ê Adare rê demêke kilm mend û Amed de şarî şîroveyê xo yê derheqê weçînayîşî de ardî ziwan. Cinîyan da zanayîş ke bi kelecanê weçînayîşê heremî 2019an de adirê Newroze weş kerdê û va wisarî sindoqê weçînayîşî zî germ kerdê û va ê nêzdîyê serkewtişê pîlan ê. Cinîya bi nameyê Oyla Olgare da zanayîş ke weçînayîş ra xeylê bi bawer ê û va do qayûman bieşrawê û wina va: "Bi vayê varanê nîsane dir do qayûmî bajaranê ma ra bêrê vetiş."

 

'Ma do serkewte bibê'

 

Cinîya bi nameyê Lorîn Dîcle zî da zanayîş ke rewşa AKPyî reyke bîn zî muracatê xîle û lîstikan nêkero do  HDP serkewtişêke pîl bi dest bikero û wina va: "Pêwa xîle, talan û dolan ma do serkewte bibê. Raya mi çin a la heme keyeyê dano HDP. Ez eşkena vajî ma do serkewte bibê. Do serkewtiş ê şarî bibo."

 

Cinîya bi nameyê Hulya Bîlîre zî da zanayîş ke qayûmî ke tayînê şaredarîyan bîyê û va ke : "Sîstemê qayûm welatêke bi demokrasî yeno melnayîş qet nêbeno. Serekomar cayê ke zano do bi dest nêkero, bi rayîrê qayûman îdareke keno. Qayûm taşeronê AKPyî ke bi eşrawitişê heremî yo. Heta AKP sîyaset de bo do zulmê serê şarî zî dewam bikero."

 

'Wa dewlete ganî game bierzo'

 

Sevîm Altindage zî wina va: “Seba tecrîdê Ocalanî ser o wirzo hepsî kewtê grev. Ma zaf zulm dewlete ra dî. Ma do 31ê Adare de wayîrê sindoqan vejîyê. Selahattîn Demîrtaş, Fîgen Yuksekdage seba nê sebaban zere de yê. Nika bi seyan domanê ma grev de yê. Ma seba ke wayîrê domananê xo vejîyê ma ameyî tîya. Ganî dewlete game bierzo."