AMED - MKGPî serrgêra qetilkerdişê rojnameger Nûjîyan Erhane de bi îzahatêke aye ardî xo vîr û dayî zanayene ke do hîkayeyê nêmcet ê Nûjîyane temam bikerê.

 

Platformê Rojnamegerê Cinîyê ê Mezopotamyayî (MKGP), rojnameger Nûjîyan Erhane (Tuba Akyilmaz) ke bajarê Xanesorî yê wexto ke xeberan taqîb kerdêne hetê hêzê girêdayê Partîya Demokratîke ya Kurdistanî (PDK) hedef amî girewtene û dima ra cuya xo vindî kerde, bi îzahatêke nuşte xo vîr ardî. Îzahat de ame dîyarkerdene ke Nûjîyane seba çapemenîya cinîya ê Kurdan zaf girîng bî, ganî rayîrê aye taqîb bikerê.

 

Îzahatê nuşteyî de win ame vatene: "Nûjiyan Erhane wexto ke xeberan taqîb kerdêne, hetê hêzê PDKyî ra amî qetilkerdene û 2 serrî qetilkerdişê aye ser derbaz bi. 3yê Adara 2017an de sereyê xo ra birîndar bîbî û Nêweşxaneyê Hesekî de 22ê Adare de cuya xo vindî kerde. Nûjiyane zî sey Gurbeteli Ersoze, Ayfer Serçe, Deniz Firate pey xo de mîrasêke pîl ê rojnamegerî verda. Nûjîyane pey xo xeylê hîkayeyê cinîyan ê nêmcet verda. Ma sey xebatkarê cinîyê çapemenîya azad mîrasê aye û embazanê xo biresnê ameyox. Hîkayeyê ke nêmcet verdayî temam bikerî."