ŞIRNEX - Cinîya hepsîyo bi nameyê Musa Kulterî ke Zindanê Tîpê T yê Şirnexî de yo û grevê vêşanî de yo, Sabrîye Kultere dîyar kerde ke rewşa hepsîyê ke grev de yê her ke şino xidar beno û va ganî keye û şarê Kurd çîyêke bikerî û nika rewşa înan zaf xidar nêbîya ganî çîyêk bikerî.

 

Çalakîyê grevê vêşanîye yê bi amancê wedartişê tecrîdî ameyî destpêkerdene dewam kenê. Zindanê Tîpê T yê Şirnexî zî hepsîyê ke grev de yê, çalakîya xo dewma kenê û ame zanayîş ke rewşa hepsîyan her ke şino xidar beno.

 

'Moralê înan baş o'

 

Koma yewin 15ê Çele ra heta nika grev de ya û ci de 3 hepsîyê cinî zî estê 20 hepsî grevê vêşanîye bêdem û bêagerayîş de yê. Cinîya hepsîyê bi nameyê Musa Kulterî, Sabriye Kultere dîyar kerde ke pêvînayîşê peyîn de hepsîyo bi nameyê Onder Poyrazo ke 2 aşmî yo grev de yo, 5 rey virito û rewşa ey qet baş nîya. Sabrîyeye wina va: "Hepsîyan zaf kîlo da yo. Moralê înan baş o. Rewşa weşîya înan baş nîya. La moralê înan zaf baş o."

 

'Îdare ma tehdîd keno'

 

Sabrîye da zanayîş ke xebatkarê hepisxaneyî, keyeyê ke şinê pêvînayîş bi vatişê: "Seba grevî do pêvînayîş bêrê qedexekerdiş. Her pêvînayîş de zî keyeyan ra vanê. Hepsî dîyar kenê ke heta tecrîd peynî nêbo do grevê xo dewam bikerî.

 

Sabrîyeye tewr peyîn qiseykerdişê xo de veng da ke seba hepsîyê ke rewşa înan xirab bîya ganî heme kes bikoyê mîyanê tevger.