STENBOL- Domano bi nameyê Yusuf Barano ke peynîya  hewteyan şino otobusa weçînayîşê ê HDPyî û her tewir teknîkê ci ewnîyeno, hetê şarî ra zaf yeno heskerdene.

 

Stenbol de domano bi nameyê Yusuf Barano 12 serre ke peynîya hewteyî de şino otobusa weçînayîşî yê HDPyî û şino sinifa 6ine. Yusuf bi eslê xo Erzirom ra yo û bi keyeyê xo dir Esenyurt de ciwîyeno. Yusuf serê siba senîn wirzeno we şino otobuse û bi kelecanêke pîl pêroyî roje raywanî keno, eynî wextî de zî karê teknîkî yê otobuse ewnîyeno.

 

Yusuf xeylê babetan de zanaye yo û muzîkê weçînayîşî ke kam ci mabêne de gerek bêro pirodayîş, heta her tewir teknîk ra wayîrê zanayîşî yo. Eynî wextî de hetê HDPijan ra zî zaf yeno heskerdene. Çarçeweya xebatê weçînayîşî de, Yusuf heme qezayanê Stenbolî geyreno û enerjîyê ey her kesî xo rê heyran verdeno.

 

Yusuf mabêne de zî vejîyeno serê otobuse û girse temaşe keno. Yusuf seba her kesê ke otobuse rê espar benê beno hetkar û tewr zêde zî beno xizirê rojanemgerê ke xebaran taqîb kenê. Rojnamegerî wexto ke şarj qedêno ya zî makîneyê xo emanet kenê, vernê de şinê verê Yusuf.

 

Yusufî sebebê beşdrbîyayîşê xo wina va: "Ez peynîya hewteyî yena otobuse. Ez wazena ke piştdayîş bidî partîya xo. Ez wazena HDP weçînayîşan de qezenc bikero. Tîya ra tepya ez do xebatê weçînayîşî de aktîf bî. Karê ma kenê zehmet o. La bi heskerdiş ez karê teknîkî kena. Eleqeyê mi her wext seba teknîk estbi. Mi her wext mi waştêne ci dir eleqedar bibî. Ez wazena bibî muhendisê înşaatî."