Rengin Azizoglu

 

STENBOL - Femînîst Çagla Akdere dîyar kerde ke ganî şaredarîyan de cinî prosesê qerargirewtişî de ca bigîrê û va: "Lazimî bi şaredarîyê ke cinî wayîrê vatişî yê esto. Ganî meclîsê cinîyan bêrê awankerdiş, vatiş û waştişê cinîyan bêrê girewtene û nêrê peygoşkerdene."

 

Bi weçînayîşê mintiqa dir bajarê pîl û hem vajê xeylê qezayan de namzedê camêrd ameyî ramojnayîş. HDPyî zî bi temsîlkarê têduşt de heme şaredarîyan de namzedê cinî nîşan da. Torra Pawitişê Cinîyan ê femînîstan Çagla Akdere bîyayîşê cinîyan ê şaredarî de şîrove kerde.

 

'Her çî de camêrdî qerar danê'

 

Çaglaye dîyar kerde ke namzedê ke ameyê eşkerakerdiş hema vajê heme camêrd î û va: "Sîyaset destê camêrdan de aver şino. camêrdî wazenê ke her çî de ê qerar bidê. La çîyêke wina mumkun nîyo. Ganî şaredarîyan de polîtîkayêke rast bi ca bêro. No zî bi cinîyan mumkun o. Bi cinîyan dir çiqas projeyê hempar ameyê kerdene. No girîng o. Eke polîtîkayêke rast bi ca nêro, heqê kreş, stargeh nêro dayene, cinî bêrê peygoşkerdiş, merdimî nêeşeknê qalê şaredarîyêke hetê cinîyan bikerê."

 

Çaglaye da zanayîş ke vatişê cinî weçînayîşan de yeno serê ziwan û va: "Proses de amanc kenê ke rayanê cinîyan bigîrê. Ma sey depoyê rayan vînenê. Ma çend partîyan de polîtîkayê cinîyan vînenê. Wexto ke weçînayîş qedîyenê, ma her çî vînenê. Ganî heqê cuyake azad ê cinîyan bibo. MA cinî yê, ma estê, heqê ma estê. Ma nêwazenê bêrê kiştiş. Ma kuçeyê bi asayîş wazenê. Seba nê çi bibo ganî bêro kerdene. Ma wazenê cinî mekanîzmayê qerarî de ca bigîrê."