WAN - Derheqê 12 sîyasetmedarê cinî ke hemşaredarî zî tede bi sebebê beşdarê bernameyê DOKHî bîyê 6 serrî ra dima îdianame ame amadekerdene. Hemşaredara Artemîtî Sevîl Rojbîn Çetîne ke qayûm tayînê cayê aye bi va: "Îdiayê cuya cinîyan pîl a. Sîyasetê cinîyan îqtîdar tersneno."

 

2011an de hetê serdozgerîya Komara ya Wanî ra derheqê 12 sîyasetmedarê cinîyan de bi sebebê beşdarê xebatê Tevgerê Cinîyanê Azad û Demokratîk (DOKH) bîyê tehqîqat ame akerdene. Çarçeweya tehqîqatî de 6 cinî ameyî tepiştiş. Mîyanê înan de endama meclîsê şaredarîya Tuşbayî ya DBPî Pervîn Ozgur, hemşaredara Artemîtî Sevîl Rojbîn Çetîna ke qayûm ame vera ci, hemşaredara Ebaxî Suna Atabaye ke qayûm ame vera ci 6 cinî ameyî tepiştiş û 4 aşmî ra dima ameyî veradayîş.

 

Pêwa ke ser ra 6 serrî derbaz bi badê 2017an derheqê cinîyan de îdianame ame amadekerdene û bi îdiayê 'îdareyê rêxistine', 'endamîya rêxistine’, ‘propaganda rêxistine’ seba cinîyan ceza amî waştiş û roniştişê dewa rojê vîyarte de ame vînayene.

 

'Dosya bi talîmat amî akerdene'

 

Sevîl Rojbîn Çetîne dosya şîrove kerde û arde ziwan ke amadekerdişê îdianame û newe ra cigêrayîşê dosya bi talîmat ameyo kerdene û va: "Derheqê ma de bi xeylê îdiayê îdarekerîyê rêxistine heta endamîya rêxistine ame amadekerdene. Seba îdianame nêkewt destê ma, ma roniştişê yewin de pawitiş nêkerd. Dimayê serran ra dima dosya newe ra amî akerdiş. Zafê xo hemşaredar û sîyasetmedar bî. No zî polîtîkayê dişminî yê vera cinîyan ê îqtîdarî ano hişê merdimî."

 

'Cinîyan ra tersenê'

 

Rojbîne tewr peyîn qiseykerdişê xo de da zanayîş ke îqtîdar ca girewtişê cinîyan ê sîyasetî ra tersenê û arde ziwan ke desteserkerdişê destkewtişan, astengkerdişê rolê cinîyan ê sîyasetî de, destbendkerdene cinîyan, berardişê polîtîkayê bêvengkerdene ê cinîyan o. Rojbîne heto bîn ra da zanayîş ke qetî bi cezayan bêveng nêmendê, do nêbê zî û va îdiayê ciwîyayîşê cinîyan zaf pîl o.