ENQERE - YSK’ê ji bo girtî û kesên ji ber sûcên bi teqsîrê ceza girtine, mafê bikaranîna dengan asteng kir. Nûnera YSK’ê ya HDP'î Pinar Akdemîr ev wek ‘mudaxaleya cewhera mafê hilbijartinê’ nirxand û diyar kir ku YSK’ê biryarên xwe yên ku bi yek dengî ya di hilbijartinên îdarî yê herêmî de di 2004’an de, 2009 û 2014’an de, girtine, binpê kiriye û îçtîhada xwe ji nedîtîve tê.

 

Lijneya Hilbijartinê ya Bilind (YSK) mafê bikaranîna dengan ji bo girtiyan qedexe kir. Nûnera YSK’ê ya HDP’î parêzer Pinar Akdemîr diyar kir ku YSK’ê bi belgeya hejmara 140/1 a weşandiye biryarên xwe yên ku bi yek dengî ya di hilbijartinên îdarî yê herêmî de di 2004’an de, 2009 û 2014’an de, girtine, binpê kiriye û îçtîhada xwe ji nedîtîve tê.

Pinarê bi lêv kir ku girtiyan di hilbijartinên herêmî yên berê de dengên xwe bi kar anîne lê bi guherîna niha re ger kes li girtîgehê bimîne nikare dengê xwe bi kar bîne. Pinarê da zanîn ku sedema vê guherîna YSK’ê, derdora hilbijartinê ya xala 3’emîn ya qanûna hejmara 2972’an ya ji 1984’an heta niha di meriyetê de ye.

 

‘Mafê girtî yê hilbijartin û bikaranîna dengan tune ye’

 

Pinarê wiha got: “Girtî û kesên ji sûcên teqsîrê ceza girtine, ger bi navbeynkariya rêveberiya girtîgehê navnîşana ku lê daxwaz nekin wê nikaribin dengên xwe bi kar bînin. Berê li pêş kesekî li girtîgehê ku ji bo namzetiya xwe deyne astengî tune bû, lê YSK’ê diyar kir ku di şertên girtîgehê de divê kes bi têkoşînê vî mafî bi dest bixe. Astengkirin mafekî qanûnî bi hiqûqê nikare bê vegotin. Li gorî guherînê divê girtî navnîşana we bigirin derdora hilbijartinê ya dora girtîgehê û divê di navbera 4-17’ê Çile de pêk bînin. Lê şertên girtiyan ya ji bo serlêdanê zêdet tune ye.”

 

Pinarê daxuyakirin ku divê tevî her tiştî girtî dîsa serlêdanên xwe bikin û got nayê zanîn ku wê ev daxwaza wan çawa bê bersivandin û bicihanîn. Pinarê di dawiya axaftina xwe de daxuyakirin ku hilbijartin her diçin nêz dibin û got divê hemû welatî agahiyên xwe yên hilbijartinê heta 17’ê çile kontrol bikin.