STENBOL – Danişîna akademîsyen Esra Mungan, Meral Camci, Muzaffer Kaya û Kivanç Ersoy ên belavoka aştiyê îmze kiribûn hat dîtin. Dozger xwest akademîsyen bên cezakirin.

 

Danişîna akademîsyen Yrd. Doç. Dr. Esra Mungan, Yrd. Doç. Dr. Meral Camci, Yrd. Doç. Dr. Muzaffer Kaya û Doç. Dr. Kivanç Ersoy ên belavoka aştiyê ya “Em ê nebin şirîkê vî sûcî” îmze kiribûn, li 13’emîn Dadgeha Cezayê Giran a Çaglayana Stenbolê hat dîtin. Camci û Mungan di danişînê de amade bûn. 

 

Gelek akademîsyenan dozê şopand. Dozger mutalaya xwe ya di 3’ê îlonê de pêşkêşî heyeta dadgehê kiribû dubare kir. Dozger di mutalayê xwest 4 akademîsyen bi îdiya “Propaganda rêxistinê kirin e” bên cezakirin. 

 

Esra Mungan û Meral Camci li dijî mutalayê dem daxwaz kirin. Heyeta dadgehê danişîn taloqî 28’ê çileya 2019’an kir.