ÎZMÎR - Rûniştina duyemîn a kujer Onur Gencer ê Deniz Poyraz qetil kir, jê tê darizandin dest pê kir. 

 

Di 17'ê Hezîranê de nîjadperest Onur Gencer êrişî avahiya Partiya Demokratîk a Gelan (HDP) kir û Deniz Poyraz qetil kir. Rûniştina duyemîn a doza kujer Onur Gencer jê tê darizandin li 6'emîn Dadgeha Cezayê Giran a Îzmîrê hat dîtin. Rûniştina divê serê sibehê saet di 09:00'an de dest pê bikira 3 saetan dereng dest pê kir. Ji ber eywana dadgehê biçûk bû bi muzakereyê 100 kes girtin eywanê. 

 

Dayika Deniz Poyraz, Fehime Poyraz, bavê wê Abdulillah Poyraz û li gel xwişk û birayên wê Hevserokê HDP'ê yê Giştî Mîthat Sancar, Hevserokên Giştî yên Partiya Avakirina ji nû ve ya Sosyalîst (SYKP) Canan Yuce û Cavit Ugur, Hevserokên Giştî yên Partiya Çep a Kesk Ayşe Erdem û Îbrahim Akin, Serokê Komeleya Mafên Mirovan ê Rûmetê (ÎHD) Akin Birdal, Hevserokên Partiya Herêmên Demokratîk (DBP) Keskin Bayindir, Berdevka Meclîsa Jinê ya HDP'ê  Ayşe Acar Başaran û gelek kesên din beşdarî rûniştinê bûn. 

 

Kujer Onur Gencer ji girtîgehê anîn eywana rûniştinê. Serokê dadgehê têkildarî dîmenên medyaya dîjîtal a celseya din da zanîn Serdozgeriya Komarê ya Îzmîrê dest bi lêpirsîna resen kiriye. Berî serokê dadgehê dest bi parastinê bike got: "Ger pevçûn çêbibe dibe ku em mecbûr bimînin navberê bidin rûniştinê û rûniştinê li Kampusa Şakranê bidomînin."

 

Piştî daxuyaniya serokê dadgehê rûniştinê bi tespîta nasnameyê dest pê kir. Piştî tespîta nasanmeyê dê rûniştin bi parastinan dest pê bike.