MERKEZÊ XEBERAN - Çalakîkera sîyasî Gelare Ebasî ya tehranije, hetê rejîmê Îranî ra di sûcdarîyê cîya ra cezaya zîndanî amî birnayîş.

 

Rêxistina Heqê Merdiman Herana neql kerd ke rejîmê Îranî cezaya zîndanî çalakîkera sîyasî Gelare Ebasî rê birna.

 

Goreyê agahîyê Rêxistina Heqê Merdiman Heranî, Gelare Ebasîya 49 serrî ya şarê Tehranî, hetê beşê 23ine ê Dadgeha Şorişî yê Tehranî ra bi 4 serrî û 3 aşmî cezaya zîndanî amî mehkûmkerdiş. Ame dîyarkerdiş ke çalakîkera sîyasî bi sûcdarîya ‘kombîyayîş û komployê hemverê asayîşê neteweyî û propagandayê hemverê dewlete’ ameya sûcdarkerdiş. Erjê vatişî yo ke 17ê sibate emser de çalakîkera sîyasî Gelare Ebasî keyeyê xo yê Tehranî, hetê hêzê Wezaretê Îtlaatî yê Îranî ra, bê fermanê hukmî amî destbendkerdiş û aye şirawitî zîndanê Evîne. 28ê adare de bi şêweyêk demkî û bi dayîşê milyarêk tüçumen, heta demê muhakemekerdişî amîbî veradayîş.