ÎZMÎR - Sekretera Cinîyan a Egîtîm Senî Cansu Başer da zanayîş ke mabêne tutan de bêtêduştî est o û va: “No welatî de diyîn ziwano pîl kurdî yo. No dîyarîyêk nîyo, no çîyêk ameyo dayîş nîyo, no heqê ma yo tewr sereyîn o.”

 

Heyetê DEM Partî ke parlamentere Gulistan Kiliç Koçyîgît, Sezaî Temellî û Ozturk Turkdogan pê ameyîne 24ê nîsane de Wezîrê Edaletî Yilmaz Tunç dir pêvînayîş kerdî. Eşkerayî amî dayîş û ame vatiş ke ganî tecrîd wurzo, tepişteyê nêweşî bêrê veradayîş. La welatijî waştişê ziwanê dayîke zî kenê. Sekretera Cinîyan a Şaxa Hûmara 2yîn ya Egîtîm Senî ya Îzmîrî Cansu Başer derheqê babete de qisey kerd û va, no heqê sereyîn o û ganî bikewo binê pawitişê destûrê bingehîn.

 

‘Heqo tewr sereyîn o’

 

Cansu Başer dîyar kerd ke awanbîyayîşê komare dir yewperestî ameya ferzkerdiş û va: “Pêro ziwanî çin ameyî hesibnayîş. Çinhesibnayîş eynî wextî de çinhesibnayîşê merdimayî yo. Yew ziwanî, yew dîn, yewnetewî ameyo ferzkerdiş. Tena peymanê heqê tutan de nê, peymanê mîyanneteweyî yê ziwan û perwerdeyî de zî Tirkîya xo daya kîşte. No helwestê Tirkîya mojneno ra.”

 

‘Ganî bikewo binê asayîşê destûrê bingehîn’

 

Cansu Başer dîyar kerd ke ganî ziwanê dayîke bikewo binê asayîşê destûrê bingehîn û va: “Diyîn ziwanê pîlî yê nê welatî kurdî yo. Na diyarî nîya, çîyêk dayê ma nîyo. No heqê ma yê tewr sereyîn o. Ganî ziwanê ma bibo, ziwanê perwerdeyî. Ganî her tut bi têduştî nê heqî bigîro. La çi heyf mabêne tutan de bêtêduştîya îmkanî yo. Tutê kurdî têkoşînê perwerdeyê bi zimanê xo danê.”

 

‘Bêvengkerdişê ziwanî mudaxaleyê nasnameyê cinî yo’

 

Cansu Başer wina qedêna: “Mektebê ke tutê ci de kewenê ra, problemê ziwanî ciwîyenê. Vanê, ‘Tirkî qisey bikerê zêde qisey bikerê’. Ziwanê kurdî sey ziwanêk şermî yo yeno mojnayîş û no zî asîmîle keno. Bêvengkerdişê ziwanî yeno manaya mudaxaleyê nasnameyê cinî. Ganî lezkî meseleya ziwanê dayîke werte ra bêro wedaritiş. Ganî fek ferzkerdişê yewziwanî bêro veradayîş. Ganî her kes serê heqê destûrê bingehîn de rol kay bikero. Ganî prosesê viraştişê destûrê bingehîn de her kes wayîrê heqî bo û her kes xo aydê nê destûrê bingehîn bikero.”