AMED - Şaxa ÎHD'yî ya Amedî semedê bale biancê serê binpaykerdişê heqê tepişteyan “Komxebata Zîndanan” ke do di rojî dewam bikero, dest pêkerd.

 

Komeleya Heqê Merdiman (ÎHD) ya Şaxa Amedî semedê bale bianco rewşa zîndanan û binpaykerdişê heqê tepişteyan ser o “Komxebata Zîndanan” ke di rojî dewam bikero, organîze kena. Komxebate awanîya komeleye de pê yena û dest pêkerd. Komxebate de binpaykerdişê heqê tepişteyan û problemê ke ci dir rî bi rî manenê, bêrê munaqeşekerdiş. Sewbîna semedê çareserkerdişê probleman do pêşnîyazî bêrê kerdiş.

 

Hemserokê Pêroyî yê ÎHD'yî Huseyîn Kuçukbalaban, Serekê Baroyê Amedî Abdulkadîr Guleç, eynî wextî de îdarekar û temsîlkarê rêxistin û sazgehê heqê merdiman û huqûq, endam û îdarekarê ÎHD’yî tewrê komxebate bîyî.

 

Hema zî tu game nêameya eştiş’

 

Huseyîn Kuçukbalaban dîyar kerd ke wexto ke qalê heqê merdiman kenê ewilî zîndanî yenê hişê merdiman û wina va: “ÎHD bi paştdayîş û destekê keye û dayîkê tepişteyan ame awankerdiş. Ma sey ÎHD raporê xo pare kenê. Ma do ewro heqê hêvîye zî mîyan de ma do binpaykerdişê heqan ser o qisey bikerê. Ewro prosesêk est o la hema zî dewlete tu gamî nêeşta. Tecrîd dewam keno, nê wareyî de zî tu game nêameya eştiş. Hevala ma Hatîce Onaran bi sebebo ke hevalêk xo tepişte rê 200 lîra şirawitebî, amî tepiştiş, Ma nê binpaykerdişan ser o qisey bikerê.”

 

Komxebate bi pêşkeşîya îdarekara Merkezê ÎHD'yî Nûray Çevîrmen dewam kerd.

 

Badê cû komxebate çapemenî rê padeye dewam kerd.