ŞIRNEX - 13ine serrgêra Qirkerdişê Roboskî de keyeyê Roboskî şîyî serdayîşê goristanî.

 

Semedê wesîleya 13ine serrgêra qetilkerdişê 34 kesê ke dewa Roboskî ya qezaya Qilêbanî ya Şirnexî de hetê teyareyanê şerî ra ameyî qetilkerdiş, keyeyê Roboskî serê sibayî şîyî serdayîşê gorê tutanê xo yê ke ameyî qetilkerdiş. Keyeyê ke bi cil û belgê sîya ameyî goristan û destê xo de fotografanê tutanê xo yê ke ameyî qetilkerdiş girewtî û dua kerdî. 

 

Goristan de semedê yadkerdişê kesê ke ameyî qetilkerdiş loqim û şekirî ameyî vilakerdiş.

 

Sewbîna do saete 13.00ine de bi tewrbîyayîşê Hemserekê Pêroyî yê Partîya Herêmanê Demokratike (DBP) Keskîn Bayindir, Hemserekê Pêroyî yê Partîya Têduştî û Demokrasî (DEM Parti) Tuncer Bakirhan û serekê baroyê bajarê Kurdistanî û Tirkîya semedê qurbaniyan do goristan de eşkerayîye bidê.