MERKEZÊ XEBERAN - Lîbya de reya ewilî cinîyêke bena şaredare. Zaîra El Meqtûf bî şaredara bajarê Zaltanî ya welatî.

 

Komîserîya Berzî ya Weçînayîşan ê Lîbyayî bi eşkerayîyêke serkewtişê cinîya bi nameyê Zaîra El Meqtûf semedê şaredarîya bajarê Zaltanî neql kerd.

 

Komîserîye dîyar kerd ke serkewtişê Zaîra El Meqtûf averşîyayîşê temsîlkarîya cinîyan ê îdareyî de mojneno.

 

Komîserîye serkewtişê Zaîraye sey "netîceya hewldayîşû hemparî yê cinîyan û paştdayîşê înan ê a bi Komîserîya Berzî ya Weçînayîşî" ercna.

 

Komîserîye dîyar kerd ke weçînayîş bi beşdarîya çimdarîyê mîyanneteweyî bi hawayêk şefaf rayîr ra berdê.

 

30ê kanûna emserî de weçînayîşê Nuştoxgehê Îdareyê Weçînayîşî yê qeraxê rojawanê Lîbyayî pê ame. Netîce de Zaîre El Meqtûf bawerîya endamê meclîsê şaredarîye bi dest kerd.