WAN - Aktîvîsta TJAyî Edîbe Babur derheqê binpaykaykerdişê heqan ê zîndanan de, rewşa tepişteyanê nêweşan û merdişê zîndanan de pê yenê de qisey kerd û wina vat: “Zîndanî vuryayê goristan. Hemverê cenazeyê ke vejîyenê ganî şar wurzo lingan ser. Ganî pêro Kurdistan hemverê nê de çalakîyan bido destpêkerdiş.”

 

Goreyê dayeyê Komeleya Heqê Merdiman (ÎHD) zîndanê Tirkîya û Kurdistanî de 651 ci ra giran hezar û 517 tepişteyê nêweşî est ê. Tepişteyê nêweşî bi kelepçeyan yenê dermankerdiş û yê nînan red kenê zî nêbenê nêweşxane. Semedê şert û mercê giranî yê zîndanan rewşa tepişteyanê nêweşan giran bena.

 

Aktîvîsta Têgêrayîşê Cinîyanê Azadan (TJA) Edîbe Babur, bale ant cenazeyanê zîndanan ser û tepişteyanê nêweşan ser.

 

‘Zîndanî açaryayî goristanan’

 

Edîbe wina vat: “Hevalêk ma bîn dinyaya xo bedelnaye. Abdulkadîr Kuday rewşa ey giran bî. Ma zî zanayîne wextêk tay mendo. Polîtîkaya lêşîne ciwananê ma ser, nêweşanê ma ser de dewam kenê. Badê ke dinyaya xo bedelnenê, cenazeyê înan zîndanan ra vejîyenê. No dinya de zî û qanûnanê Tirkîya de zî sûc o.”

 

‘Ma zî zîndanê akerde yê’

 

Edîbe bale ant polîtîkaya tecrîdî ser û wina vat: “Abdullah Ocalanî ser de tecrîdêk giran est o û o tecrîd, tesîr komelî ser o kerdo. 43 aşmî yo tu agahî Abdullah Ocalanî ra nîna girewtiş. La fikr û paradîgmaya Abdullah Ocalanî dinya de vila bîya. Mergê zîndanan nînê qebûlkerdiş. Ganî her kes hemverê nê merdişan de vengê xo berz bikero. Pêro kesê wayîrê wijdanî, hetê aştîye ganî bêveng nêmanê.”

 

‘Ganî ma vengê xo berz bikerê’

 

Edîbe wina qedêna: “Ez venga pêro kesî kena ke hemverê tecrîdî de bêveng nêmanê. Zîndanan de dorê hezar û 600 tepişteyê nêweşî est ê. Semedo ke zîndanan de cenazeyî nêvejîyê, ganî pêro şar wurzo lingan ser. Ganî ma kuçe bi kuçe, ber bi ber semedê şikinayîşê tecrîdê Abdullah Ocalanî ser o xebatan bikerê. Ganî ma semedê azadîya Birêz Abdullah Ocalanî wurzê lingan ser.”