MERKEZÊ XEBERAN - Hasna A.ya Hollandije ke Sûrîye de tewrê mîyanê DAÎŞî bî, semedê zulmo ke cinîyanê êzidîyan kerd, bi sûcê hemverê merdimayî yena muhakemekerdiş.

 

Hollanda de reya ewilo DAÎŞija ke semedê zulm êzidîyan rê kerda, yena muhakemekerdiş. Hasna A. ya 33 serrî ya DAÎŞije semedê ke Sûrîye de bî yena sucdarkerdiş û 2 cinîyê êzidî sey kole şuxilnaya.

 

Roniştişê destpêkî yê dewaya muhakemekerdişê endama DAÎŞî Hasna A. bajarê Schîpholî yê Hollandayî de 14ê teşrîna verêne de ame kerdiş.

 

DAÎŞîje bajarê Hengeloyî yê Hollandayî de serra 2015ine de şî Sûrîye û heta Tebaxa 2016ine bajarê Reqayî yê Sûrîye de mende.

 

Ame neqlkerdiş ke endama DAÎŞije 2 cinîyê êzidî keyeyê xo de sey kole şuxilnaya û semedê nê sûcdarî zî Hasna A.ye sûcê hemverê merdimayî yena muhakemekerdiş.

 

Roniştişî bînî yê dewa do roja Çarşeme de bêro kerdiş.