STENBOL -  Dewaya ke kesê tewrê kampanyaya Mudurîyê Weşanî yê Nobedarî ya Rojnameyê Ozgur Gundemî bîbî û ci ra ameyîne muhakemekerdiş, bi sebebê temamkerdişê kêmîyê dosya de ame taloqkerdiş.

 

Rojnameyê Ozgur Gundemî ke bi Qerarnameyê Hukmê Qanûnî de (KHK) padîya bî. Sereka TTByî Prof. Dr. Şebnem Korur Fîncanci, rojnameger û nuştox Ahmet Nesîn û rojnameger Erol Onderoglû ke tewrê kampanyaya Mudurîyê Weşanî yê Nobedarî ya Rojnameyê Ozgur Gundemî bîbî, dewa amebî akerdiş. Roniştişê 11ine ê dewa de bi îdiayê “Seba sûc bêro kerdiş, sûr kerdo”, “Pesindayîşê sûcî û sûcdarî” û “Propagandayê rêxistine” amebî akerdiş, 13ine Dadgeha Cezayê Giran ya Edliyeyê Stenbolî yê Çaglayanî ame kerdiş. Roniştiş de Onderoglû û avûkatê ey Halîl Kocabaş amade bî. 

 

Avûkat Halîl Kocabaş waştişê temamkerdişê kêmîyê dosya de kerd û wext waşt. Dozgerî zî waşt ke kêmîyê dosya de bêrê temamkerdiş. 

 

Heyetê dadgehe waşt ke kêmîyê dosya de bêrê temamkerdiş û seba ke îfadeyê Ahmet Nesînî bêrê girewtiş, qerar da ke agêrayîşê qerarê îtirazî ke teberê welatî ameyo nuştiş bimano. Dadgehe roniştiş taloqê 30ê çeleyê 2025ine kerd.