MERKEZÊ XEBERAN - Cinîya ciwane Fewziye Heyder Seydoya 21 serrî ke vernîya des serrî amebî remnayîş û keyeyê xo rê cîya bî, ameye vînayîş û teslîmê keyeyê aye ame kerdiş.

 

Dezgehê Îstîxbaratî yê Iraqî neql kerd ke netîceya hewldayîşê 4 aşman yê seba vînayîşî û agêrayîşî seba keyeyê aye, cinîya ciwane ya Êzidî dimayê 10 serran ameye vînayîş û welatê cîranî ra seba keyeyê aye ameye agêrayîş.

 

Ame dîyarkerdiş ke cinîya ciwane ya êzidî ke nika seba keyeyê aye ameya agêrayîş, bi nameyê Fewziye Heyder Seydo ya û 21 serrî ya.

 

Ercê vatişî yo ke Fewziye Heyder Seydo serra 2014ine de, sey xeylêk cinîyanê bînan ê êzidî hêrişê çeteyê DAIŞî yê Şengalî ser de amebî remnayîş ke o wext 11 serrî bî.

 

Pêwa ke o wext hûmarêke kêmî bo zî, hîn cinîyê êzidî destê çeteyê DAIŞî ra amebî xelisnayîş û seba keyeyanê înan amebî agêrayîş, la hema zî bi seyan aqubetê înan nîno zanayîş.