MERKEZÊ XEBERAN - Meclîsê Îştarî ya Wargehê Multecîyan ê Şehîd Rustem Cudî (Mexmûr) çarçewaya rêzeçalakîyê 8ê Adare Roja Cinîyanê Kedkaran ê Dinya de kuçeyê Mexmûrî vilawikan vila kerdî.

 

Semedê wesîleya 8ê Adare Roja Cinîyanê Kedkaran ê Dinya, 1ê aşme ra cinîyê Wargehê Multecîyan ê Mexmûrî serê lingan de yê û rêzeçalakîyan organîze kenê. Ewro zî pêşengîya Meclîsê Îştarî de kuçeyê wargehê cinîyan de vilawikê 8ê Adare vila kerdî. Vilawikan de vatişê Rayberê PKKyî Abdullah Ocalanî yê derheqê 8ê Adare de û mesajê pîrozbayî amebî bicakerdiş.

 

Verfekê semtan Meclîsê Şarî kom bîyî, vilawikî girewtî û semtê xo de cinîyan rê vila kerdî û dima ra zî cinîyê  wargehî bi vilawikê 8ê Adare kuçeyê Mexmûrî de dest bi vilakerdişê vilawikan kerdî.

 

Cinîyan bi vilakerdişê vilawikan 8ê Adare Roja Cinîyanê Kedkaran ê Dinya pêro cinîyan rê pîroz kerd.