MERKEZÊ XEBERAN - Tepişteyo nêweş Abdulkadîr Kuday ke pêwa nêweşîyê xo yê giranî nêame tahlîyekerdiş, dinyaya xo bedelnaye.

 

Tepişte Abdulkadîr Kuday (52) ke Zîndanê Tîpê Ryê Metrîsî de ameyîne tepiştiş û pêwa nêweşîya girane zî nêameyîne veradayîş, ewro di danê sibehê de jiyana xwe ji dest da. Birayê Abdulkadîr, Salih Kuday da zanîn ku kekê ey saetê serê sibayî de zîndan de dinyaya xo bedelnayo û seba girewtişê do bikewê rayîr. 

 

Abdulkadîr Kuday, serra 2014ine de qezaya Qoserî ya Mêrdînî de tepişya. Abdulkadîrî ewilî berdî Zîndanê Tîpê Eyê Mêrdînî û dima ra zî sewqê Zîndanê Tîpê Tyê Tekîrdagî ame kerdiş. Seba tedayê rayaumûmî 4 serrî badê cû serra 2021ine de Abdulkadrî sewqê nêweşxane kerdî. Nêweşxane de zî ewilî teşhîsê fitiqê paştî ame kerdiş. Labelê badê ke dejê ey zêde bî, ancî berdî nêweşxane û netîceya tetkîkan de vejîya werte ke bi nêweşîya Amyotrofik Lateral Skleroz (ALS) kewto. Abdulkadîr, felc bî û êdî nêeşka rayîr ra şêro. 1ê kanûna 2021ine de zî sewqê Nêweşxaneyê Bajarî yê Dr. Îsmaîl Fehmî Cumalioglû kerdî.

 

Waştişê ey tewr peyîn o bî ke verê tutanê xo de bibo

 

Tepişteyê nêweş Serdal Yildirim ke Abdulkadîrî dir mendêne, 19ê tebaxe de bişert ame tehlîyekerdiş û waştişê Abdulkadîrî yê peyîn bi nê vatişan vatibî: “Ez wazena rojê xo yê peyîn de verê tutanê xo, kîşte tutanê xo de bî.” 

 

Avûkatê Abdulkadîr û parlamenterê DEM Partî muracatê Wezaretê Edaletî kerdibî û rojê verê de zî seba tehlîyekerdişê Abdulkadîr Kudayî xeylêk muracatê cayan kerdibî. Labelê nê muracatê înan bêcewab amebî verdayîş.