Elfazî Toral

 

MÛŞ - Namzeta Hemşaredarîye ya Mûşî ya DEM Partîye Tuba Sayilgane dîyar kerd ke aye bi îlhamo ke sîstemê hemserekatîye ra girewta bîya namzet û vat: “Ez sey cinîyêke mîyanê şarî, ez raşteyê weşîye de xebetîyena û bîya namzet. Seba çareserkerdişê probleme cinîyan ma do her raşteyê Mûşî açarnî raşteyê cuye yê cinîyan.” 

 

Tarîxê komelî de cinî zî sey kurdbîyayîş û xeylê nasnameyê bînî mîyanê înan kesê ke yenê peygoşkerdiş, pelçiqnayîş û nasnameyê înan yeno înkarkerdiş de ya. Mûş de zî sey her ca veng, reng û nasnameyê cinîyan yeno peygoşkerdiş, bi taybetî keyeyê xo û heta raşteyan de nêeşkenê xo baş îfade bikerê. Namzeta Hemşaredarîye ya Mûşî ya Partîya Têduştîye û Demokrasîyî yê Şaran (DEM Partî) Tuba Sayilgane derheqê projeyê xo yê bi sîstemê hemşaredarîye reyde û seba cinîyê Mûşî modelê cuye yê senî do pê bîyara de JINNEWSî rê qisey kerd.

 

'Vera heme tedayan de reyna zî ez ser kewta’ 

 

Tuba Sayilgana ke serra 1993yî de dewa Hêting (Înardî) ya merkezê Mûşî de dadîya xo ra bîya, dîyar kerd ke mektebê seretayî, mîyanên û amadekarî Mûş de dewam kerda. Tubaye dîyar kerd ke serra 2019î de Beşê Dermansazîye ya Unîversîteya Mêrsînî qezenc kerda, nê prosesî de sektorê taybetan de xebetîyaya û wextê xebatî de xeylê zehmetî anta. Tubaye ard ziwan ke dimayê înan zehmetîyan unîversîte qedênaya û Mûş de dermanxane akerda û wina vat: "Xeylê kes estbî ke vatêne şima nêeşkenê bikerê. La mi vat ez eşkena her çîyî bikera û mi qerar da ke ez bikera.” 

 

Sîstemê hemserekî ra îlham girewte! 

 

Tûba vat, "Nêzdîyê 3 serrî yo ez bi xo karê xo kena" û wina dewam kerd: “Pisporiya mi weşîye bîye sebeb ke ez problemê weşîye yê cinîyan bivîna. Nê verda ke ez nêzdîyî ra şahidiya nê probleman bikerê. Mi waşt ez bieşkê cewabê problemê cinîyan bidê û caardişê sîstemê hemserekîya DEM Partîye zî ez xeylêk tesîr kerd. Siyasetêk ke mi tesdîq kerd û mane daya. Semedê mi bî rayîrêk semedê çareserkerdişê problemê cinîyan û îfadekerdişê înan. Mi semedê problemê bingehîn ê cinîyan qerar da ke bibî namzedê hemşaredarî.” 

 

'Ma do her raşteyê Mûşî açarnê raşteyê cuye’ 

 

Tubaye da zanayîş ke bado ke bi sîstemê hemserekatîye şaredarîyê xo tepîya bigîrê do şaredarîyêk ke cinîyan vînena awan bikerê û wina vat: “Senî ke camêrdî kooperatîfê ma yê ke ma do awan bikerê de ca bigîrê, do cinî zî uca de ca bigîrê. Ma do her çinitiş û hem zî kargehê xalîviraştişî ra bixelisnê. Ma wazenê cinî her raşteyê cuye de ca bigêra û biba wayîrê her meslekî. Ma vanê wa cinî hêzê xo bivîna û biresa serkewtişê xo yê ekonomîye. Mûş de seba tutan û ciwanan xebatî nînê kerdiş. Ma do raşteyê komelî, merkezê kulturî yê ciwanan akerê. Seba cinî û tutan ma do kursê ziwanê dadîye, tîyatro û kursê kayê herêmî akerê. Bi no hawa ma plan kenê ke ciwan xo çîyê tehlukeyin ra bipawû.”

 

'Do bedilnayîşêk girseyî pê bêro’ 

 

Tubaye ard ziwan ke dewlete hem Kurdistan û hem zî pêroyê Tirkîya de goş nêdanan ziwanê kurdî û polîtîkayê asîmîlasyonî dewam kena û vat: "Mûş de kurdî çinî yeno hesibnayîş. Ma do hemverê nê çîyan de têkoşîn bikerê. Ma do hemverê înan polîtîkayê ke xîret kenê ziwanê ma çinî bikerê de ser bikewê. Ma do ber bi ber, keye bi keye, raşte bi raşte bixebetê. Her keso ke bedilnayîş vîneno do cewabê ma pozîtîf bido. Çike wexto ke komel bedilnayîş bivîno do ma reyde rayîr ra şêro. Ma na bawerîye de yê ke do bedilnayîşêk girseyî pê bêro. Rayîrberîyê herêmî û pêroyî zî do bivînê ke eşkenê aver şêrê û çi destê înan ra bêro do bikerê.” 

 

Do serê nuqtayê hempare de bi rayapêroyî reyde pêvînayîş bikerê! 

 

Tubaye qiseykerdişê xo yê peyênan de ard ziwan ke semedê pêroyê bajarî planê înan yê awankerdişê “Yewbînan girewtişê cinîyan” û “keyeyê şêwirmendîye” est o û wina peynî kerd: “Xora şîdet zêde beno. Mûş de semedê vernîgirewtişê şîdetê camrêdî tu xebatêke ê rayîrberîyê herêmî çin o û nîno kerdiş. Ma do xetê şîdetî yê Alo yewbînan girewtişê cinîyan aktîf bikerê. Şîdet, şer, vêşanî, feqîrî pêroyê cîhane û welatê ma de zêde bîyo. Vera înan de ganî ma xebatê xo zêde bikerê. Seba nê çîyî zî rayîrberîyê herêmî muhîm ê. Ma do heme merheleyan de bi şarê xo reyde serê nuqtayê hempar de kom bibê.”