AMED - Hemsereka DFGyî Dîcle Muftuoglû ameye tehlîyekerdiş. 

 

Hîrêne roniştişê dewaya Hemsereka Komeleya Rojnamegeran ê Dîcle Firatî (DFG) û Edîtora Ajansê Mezopotamyaye (MA) Dîcle Muftuoglû dest pêkerd. Dîcle 29ê Nîsana 2023ine çarçewaya tehqîqatê ci Anqara de netîceyê sereştişê keyeyî de amebî destbendkerdiş û 3yê Gulane Roja Rojnamegeran ê Dinya de bi îdiayê “endamîya rêxistine” amebî tepiştiş. Roniştişê dewaya Dîcle Muftuoglû 5ine Dadgeha Cezaya Girane ya Amedî ameye organîzekerdiş. Dîcle bi îdiayê “endamtiya rêxistine” û “awankerdişê rêxistine” ameye muhakemekerdiş. 

 

Dîcle Muftuoglû Zîndanê Cinîyan ê Sîncanî bi rayîrê Sîstemê Veng û Dîmen (SEGBÎS) tewrê roniştişî bîye. Avûkatê Dîcle zî roniştiş de amade bîyî. Sewbîna xeylêk rêxistinê meslegî zî roniştiş taqîb kerdî. 

 

Endamê Delegasyonî yê Mîyanneteweyî yê Hemverê Tecrîdî zî tewrê roniştişî bîyî.

 

Roniştiş de dozgerî waştişî dewamkerdişê tepiştişê Dîcle kerd. Heyetê Dadgehe zî derheqê rojnamegere Dîcle Muftîoglu de qerarê serbestveradayîşî da.