STENBOL - 2yê Adare de hetê OHDyî ra bi sernameyê “Vera sîyasetê tecrîdî de têkoşînê aştî û azadîye” Stenbol de do konferansêke bêro viraştiş. 

 

Komeleya Huqûqnasê Seba Azadîye (OHD) 2yê Adare de bi sernameyê “Vera Sîyasetê Tecrîdî de Têkoşînê Aştî û Azadîye” Otelê Elît Wordî yê Taksîmî yê Stenbolî de do konferansêke bêro viraştiş. Qiseykerdişê akerdişî bi sernameyê organîzasyonî do Hemsereka Pêroyî ya Komeleya Huqûqnasê seba Azadîye (OHD) Ekîn Yeter, Verfeka Partîya Têduştîye û Demokrasîyî yê Şaran (DEM Partî) Ayşegul Dogan û Serekê Weqfê Aştîye Hakan Tahmazî bikerê. 

 

Roniştişê 1ine 

 

Roniştişê ewil ê konferansî do bi sernameyê “Sey Raşteyê Teda û Xoverdayîşê Zîndan û Mekanê Tecrîdî/Cerebnayîşê Mîyanneteweyî” bo û do moderatorîya ci zî Sezîn Uçar bikero. Dewamê roniştişî de avûkatê Rayberê PKKyî Abdullah Ocalanî Faîk Ozgur Erol do bi sernameyê “Sîstemê Tecrîdî yê Îmraliyî”, avûkatê Mandela Kisten Govender bi sernameyê “Mandela û Tecrubeyê Başûrê Afrîkaye” û Urko Alrtza Azurtza bi sernameyê “Tecrubeyê Baskî û Zîndan” do pêşkeşîyan bikerê. 

 

Roniştişê 2ine 

 

Sekretera Şûbeyê Komeleya Heqanê Merdiman (ÎHD) Oya Ersoye do moderatorîya roniştişê diyîne yê bi sernameyê “Tirkîya de Sey Teknîkêke Rayîrberîye yê Wedaritişê Asqîye yê Huqûqî” yeno kerdiş, bikera. Roniştiş de avûkata OHDyî Şevîn Kayaye bi sernameyê “Mehkemaya Destûrê Bingeyîn û Caardişê Qerarê AÎHMyî” rojnameger Alî Duran Topuzî bi sernameyê “Tirkîya de Krîzê Mehkema” û Serekê Baroyê Amedî Nahît Eren zî bi sernameyê “Rejîmê Înfazî yê Vera Tepişteyanê Sîyasî Giran Beno” do pêşkeşîyan bikero. 

 

Roniştişê 3ine 

 

Roniştişê hîrêne zî do bi sernameyê “Aştî, Çareserîya Demokratîke û Dîyalektîkê Azadîye” do bêro kerdiş. Moderatorîya nê roniştişî do Hemsereka Pêroyî ya ÎHDyî Eren Keskîne bikera. Nê roniştişî de rojnameger Fatîh Polat bi sernameyê “Tecrîd, Israrkerdişê Sîyasetê Şer û Rijnayîşê Ekonomî-Komelî”, Hemsereka Pêroyî ya Partîya Herêmê Demokratîke (DBP) Çîgdem Kiliçgun Uçare bi sernameyê “Problemê Kurdî de Îmkanê Çareserîye”, Îtalya ra Sekreterê Daîmî yê Mehkemaya Şarî Gianni Tognani bi sernameyê “Çareserîya Problemê Tarîxî û Komelî de Rol û Tesîrê Têkoşînê Huqûq û Edaletî” û Parlamenterê DEM Partîye yê Amedî Cengîz Çandar zî bi sernameyê “Tirkîya de problemê Demokrasî û Cigêrayîşê Çareserîye” do peşkêşîyan bikerê.