STENBOL - Dayîkê Şemîye û rayîrberê ÎHDyî zî mîyan de 20 kesê ke bi îddiayê "Mûxalefetê vera Qanûnê Rayîr ra şîyayîşî, Çalakî û Kombîyayîşan" ameyêne muhakemekerdiş vejîyayî verê mehkema. Roniştişê ewil ê dewaye de Îkbal Erene vat: “Semedo ke mi aqubetê birayê xo Hayrettin Erenî persa ez yena muhakemekerdiş la ez nê ganî kesê ke heqê cuya birayê mi ci ra girewtî bêrê muhakemekerdiş.” 

 

Dayîkê Şeme Raşteyê Galatasarayî de hewteyê 950î yê çalakîya seba aqubetê merdimanê xo her hewte pê anê de bi şîdetê polîsan reyde ameyî rî bi rî û destbendkerdiş. Dayîkê Şeme û rayîrberê ÎHDyî mîyan de 20 kesê ke bi îdîayê "Mûxalefetê vera Qanûnê Rayîr ra şîyayîşî, Çalakî û Kombîyayîşan" ameyêne muhakemekerdiş vejîyayî verê mehkema. Roniştişê ewil ê dewaye 39ine Mehkemaya Cezaya Eslîye ya Edlîyeya Stenbolî de ame vînayîş. 

 

 Kesê ke yenê muhakemekerdiş tewrê roniştişî bîyî 

 

20 kesê ke yenê muhakemekerdiş Dayîkê Şemeyî; Hanîfe Yildiz, Merdimê Şemeyî Besna Tosun, Maside Ocak, Mikail Kirbayir, Hasan Karakoç, Leman Yurtsever, Aylin Tekiner, Îkbal Eren, Mukaddes Şamiloglu, Hatice Korkmaz, Îsmail Yucel, Ali Tosun, Ali Ocak, Selvi Gulmez, Cuneyt Yilmaz, Îrfan Bilgin, Hunkar Hudayi Yurtsever, rayîrberê ÎHDyî Meryem Bars û Sebla Arcan û avûkat Meriç Eyuboglu bi avûkatê xo reyde tewrê roniştişî bîyî. 

 

Roniştişê ewil ê dewaye de Îkbal Erene vat: "Semedo ke mi aqubetê birayê xo Hayrettin Erenî persa ez yena muhakemekerdiş la ez nê ganî kesê ke heqê cuya birayê mi ci ra girewtî bêrê muhakemekerdiş.” 

 

Do derbazê salona pîlî bibê 

 

Dimayê pawitişê Îkbale, avûkatî û kesê ke yenê muhakemekerdiş dayî zanayîş ke semedo ke salone mird nêkena coka ra zî roniştiş wina nêbeno dewam bikero. Mehkema seba ke roniştiş salonêke hîna hîra de pê bêro roniştiş taloqê saet 13.30î kerd.