MERKEZÊ XEBERAN - Talîbanî, wîlayetê Hostî de beşdarbîyayîşê prgaramê radyo û televîzyonî yê cinîyan qedexe kerd.

 

Afganistan de Talîbano ke îdare kerd destê xo, hemverê cinîyan de qedexeyanê neweyan ano. Wîlayetê Hostî yê Rojhelatê welatî de beşdarbîyayîşê programê televîzyon û radyo cinîyan rê qedexe kerd.

 

Goreyê xebera Nûjinhaye, qeraro ke Talibanî girewto,  Host de bi îmzayê şefê polîsan Abdul Rashid Omari 25 sibate de medyaya Peştucayî rê şirawit. Qerar de wina ame vatiş; “Bajarê Hostî de beşdarbîyayîşê programê radyo û televizyonî yê cinîyan qedexe yo. Kesê ke nê qerarî îhlal bikerê do bêrê muhakemekerdiş. Dezgehê medya zî eke cinîyan reyde têkilî ronê û telefon reyde qisey bikerê do vengdayîşê îfadeyî bêro kerdiş.”

 

Host de dimayê ke tutê kênayînan rê sinife 6ine ame qedexekerdiş, programê perwerdeyî bi têkilîyê medya zêde bîyê.