MERKEZÊ XEBERAN - TJA, bernameyê xo yê çalakîyan bi sloganê "Bi jin jiyan azadî reyde ver bi 8ê Adare rê" û “Bi jin jiyan azadî reyde ver bi azadeye rê" eşkera kerd. 

 

Têgêrayîşê Cinîyê Azadî (TJA) bernameyê xo yê 8ê Adarê Roja Cinîyanê Dinya bi eşkerayîyêke nuşteyî bi sloganê "Bi jin jiyan azadîye reyde ver bi 8'ê Adare" û “Bi jin jiyan azadîye ver bi azadîye rê" eşkera kerd.

 

Eşkerayîye de wina ame vatiş: “ 

 

"Ewro Êlih û Îzmîr de bi rayîrraşîyayîşêk girseyî startê xebatê 8ê Adare do bêro dayîş. Dima ra do heme bajarî de startê xebatê xo yê 8ê Adare rayaumûmîye rê eşkera bikerê. 

 

Goreyê bernameyê 8ê Adare roja îne Amed, Êlih, Qoser, Cizîr, Wan û Mêrsîn de mîtîng bêrê viraştiş. 9ê Adare de yanî roja şeme zî bi Platformê Cinîyê Edene reyde ma do mîtîng pê bîyarê. Depe ya Xarpêtê, Qers, Îdir, Agirî, Colemêrg û Dêrsim de zî pêvînayîşê cinîyan do pê bêro. 

 

Îzmîr, Stenbol, Mêrsîn, Edene, Dîlok, Anqara, Manîsa, Aydin, Kocaeli, Antalya û Hatay de zî rayîr ra şîyayîşê şewe yê femînîste bêro rêxistinkerdiş. TJA do bi rengê xo tewrê rayîr ra şîyayîşê şewe bibo. 

 

Do Çewlîk, Bêdlîs, Agirî, Erzirom, Wan, Îdir, Qers, Erdexan, Colemêrg, Mûş, Riha, Dîlok, Semsûr, Mereş, Dêrsîm, Êlih, Sêrt, Şirnex, Amed, Meletî Edene, Mêrsîn, Osmaniyê, Aydin, Manîsa, Îzmîr, Antalya, Yalova, Gebze, Bursa û Stenbol de şahîyê cinîyan bêro viraştiş. 

 

Heto bîn ra xeylê qeza û dewan de zî pêvînayîşê cinîyan bêro organîzekerdiş. Do mîyanê hewteyê 8ê Adare de zî panel, semîner, bernameyê perwerdeyî, bernameyê goşdarîkerdişê muzîk û tîyatroyî bêrê amadekerdiş. Raşteyan de standê 8ê Adare bêrê ronayîş. Broşurê 8ê Adare do taxan de bêrê vilakerdiş û kombîyayîşê taxan bêrê viraştiş. Semedê paştîdayîşê bi tepişteyê sîyasî yê cinîyan reyde bernameyê cîya bêrê amadekerdiş. Zîyaretê dayîkê tepişteyan yê ke çalakîya Nobeda Edaletî dewam kenê bêrê kerdiş. Do buroyê weçînayîşî, derheqê weçînayîş û rayîrberîyê bajaran de kombîyayîşê cinîyan bêrê viraştiş.

 

Na çarçewa de TJA; 

 

Heta 8ê Adare her raşte de bi rengê cinî bixemilnê, çalakîyan bikerê û têkoşîn bikerê. 

 

Çarçewaya çalakîyê 8ê Adare de bibê vengê cinîyê ke ameyê qetilkerdiş, cinîyê ke derb werdê, bi mobbîngî reyde rî bi rî mendê û esîr ameyê girewtiş. 

 

Ma do bibê muyêke porê cinîyê ke Îran de ameyê dardekerdiş ke semedê azadîye xo ver dayê. 

 

Ma do hemverê polîtîkayê şerê taybetî de timî mîyanê xoverdayîş de bê.

 

Ma do raşteyan de waştişê tepişteyanê cinî yê hemverê tecrîdî, semedê azadîya fizîkî ya Abdullah Ocalanî û semedê çareserîya problemê kurdî grevê vêşanîye de yê, bîyarê ziwan. Ma do waştişê çalakîkerê Nobeda Edaletî yê hemverê bêhuqûqî û nêheqî ameyê destpêkerdiş, bîyarê ziwan. 

 

Mîyanê hewteyê 8ê Adare de semedê têkoşînê unîversalî sey TJA, hemverê şerê ke hetê îqtîdarê camêrdî ra ameyê destpêkerdiş, bi cinîyanê bînan reyde mîyanê paştîdayîşî de bê. Ma do bi cinîyanê fîlîstînîjî, ukraynayîjî, îranîjî, afganîjî, efrîqayîjî, bellucî û armenîjî  reyde mîyanê paştdayîşî de bê.

 

Bi wesîleya 8ê Adare; Ma do xeta netewperestî, kehnî, dînperest, faşîst teşhîr bikerê û têkoşînê xo yê hemverê nê zîhniyetî reyke bîn vejê vernî. 

 

Biciwîyo 8ê Adare, Biciwîyo têkoşîn û hêzê ma yê paştîdayîşî. 

 

Jin jiyan azadî."