Gulîstan Gulmuş

 

ÊLIH - Rojvelat Kizmaza ke vînî bîbî dimayê hîrê rojan cenezaya aye Awbendê Ilisuyî de ameye dîyîş. Waya Rojvelate da zanayîş ke nasnameyê kurdbîyayîşî vera xebatê cigêrayîşî ereyî dîyayî destpêkerdiş.

 

Êlih de 9ê Sibate de Rojvelat Kizmaze (26) keye ra vejîyaye û reyna aye ra xebere nêameye girewtiş. Hîrê rojî ra dima 12ê Sibate de cenazeya aye awbendê Ilisuyî de ameye dîyîş. Cenazeya aye dewa Hermês ya serê rayîrê Kerboranî de ameye definkerdiş. Waya Rojvelate, Adar Kizmaze da zanayîş ke mergê waya aye sîstemo ke îqtîdar awan kerdo vera pê ame. 

 

‘Dima ke kince aye ame dîyîş cigêrayîş dîya destpêkerdiş’ 

 

Adare wina vat: “Serê îhtîmalê întîxarî de ma muracatê qereqolî kerd. semedo ke xebatêke nêdîya destpêkerdiş ma bi îmkananê xo kamerayan ra ewnîyayî. Roja hîrêne de ma musayî ke wêşaya wesayîtê Heskîfî. Dima ra ma şîyî Heskîfî. La malumat nêdîya qereqolê qezaye. Ma bi xo malumat da. Ver bi nîmroje ma resayî Heskîfî. Heta şewe ma fotografê aye mojna her kesî. Dima ra mi malumat da cendirmeyêk ke ode de bî. Ma vat ma fotograf biancê û bierzê koman. Birayê mi vat ma keştîyêk kîra bikerê û ma biewnê. Vatî keştî nîno kîrakerdiş. Dima ra ma bot waşt. Kesê ke bot biremno çinî bî. Kincê Rojvelate ma bi xo dî. Dima ke ma dî polîsan cigêrayîş da destpêkerdiş. Xeylê îhmal est bî. Seba îhtîmalê întîxarê ciwanêk ganî 24 saet nêro pawitiş.” 

 

‘Problemê ekonomîye aye fetisna’ 

 

Adare wina dewam kerd: “Demê peyênan de semedo ke tayînê aye nêdîyayêne zaf hîsin bîbî. Cinîyêke bi kêf û coş bî. Prosesê KPSSyî de probleme aye virazîya. Nêameyêne tayînkerdiş. Na rewşe tesîrêk zêde serê aye de viraşt. Eke sîstemê perwerdeyî baş bibayêne nê tutî bi kêf biciwîyayêne. Muracatê vîze kerd. O zî nêbî. Ciwanî welat de nêeşkenê vîze bigîrê. Hema hêvîya aye estbî. Problemê tîya vera zaf teng bîbî.” 

 

‘Qereqol nameye aye vera nizdîbîyayîş mojna’ 

 

Adare qiseykerdişê xo yê peyênan de wina vat: “Birayê mi Mehmet Kizmazo rojnameger verê xebera ke rîskê mergî yê awbendê Ilisuyî de zêde yo viraştbî. Nasnameyê kurdbîyayîşî vera xebatê cigêrayîşê Rojvelate erey dîya destpêkerdiş. Kesêk hetê bajarê rojawanî ra bîyayêne do hema cade cigêrayîş bidîyayêne destpêkerdiş. Verê ke ma şêrî Heskîfî hîrê rojan ma şîyî qerekol. Eşkayêne malumat bidê heme qerekolanê qezayan. Xebatê cigêrayîşî zî têduşt nîyê. Cinîyêke ciwane ya bi coş û heyecan bî. Bî sebebe mergê aye. Roja ewilîn de eke biewnîyayêne kamerayan ma do bişînê Heskîfî. Nê welatî de rewşa cinîyan zehmet a û ma reyna dî ke no beno sebebê mergî. Hêvî kena ke no qewimîyayîş peynî bibo.”