MERKEZÊ XEBERAN - Bi wesîleya serrgêra Komploya Mîyanneteweyî ya serê Rayberê PKKyî Abdullah Ocalanî, şarê Wargehê Multecîyan ê Mexmûrî hewt serrî heta hewtayî serrî dest bi rayîrraşîyayîşêk girseyî kerdî û pêro bi yew vengî sloganê ‘Kesek nikare roja me tarî bike’ berz kerdî.

 

Ewro 25 serrî Komploya Mîyanneteweyî yê serê Rayberê PKKyî  Abdullah Ocalan temam  bî. Seranserê Kurdistanî û teberê welatî, şarê kurdî û dostê înan serê lingan de yê û venga azadîya fîzîkî ya Abdullah Ocalanî kenê û Komployê Mîyanneteweyî şermezar kenê.

 

Wargehê Multecîyan ê Şehîd Rustem Cûdî (Mexmûr) zî her beşê komelî hewt ra heta hewtayî serre, vejîyayê raşte û rayîrraşîyayîşêk girseyî dest pêkerdî.

 

Şarê wargehî pêro bi ale û posterê Abdullah Ocalanî, bi yew vengî sloganê ‘Kesek nikare roja me tarî bike’, ‘Bê Serok jiyan nabe’, ‘Bijî berxwedana Îmraliyê’ û ‘Bi can bi xwîn em bi tere ne ey Serok’ berz kerdî.

 

Rayîr ra şîyayîşê şarê wargehî nê kêlî de zî dewam keno, yeno pawitiş ke dimayê rayîr ra şîyayîşî eşkerayîyêke derheqê roje de bêro dayîş.