Mîdye Mîqted

 

HELEB - Cinîyê ke Reqa de tewrê konferanso ke bi sloganê "Bi felsefeya Jin, Jiyan Azadî, ma do azadîya fîzîkî ya Rayber Abdullah Ocalanî meşru bikerê” bîyî, wina vatî: “Cinîyan waştî ke bi pêardişê konferansêk winasî raştîya sîyasetê qirkerdiş û tecrîdî bivejê raşte. Sewbîna seba tecrîd têk şêro konferansêk winasî ame viraştiş. Ma zî vera komplo û seba têkşîyayîşê tecrîdî her tim çalakîyê xo pê anê. Coka ra seba rijîyayîşê tecrîdî Reqa de viraştişê konferansê cinîyan muhîm bî.” 

 

Reqa de bi sloganê "Bi felsefeya Jin, Jiyan Azadî, ma do azadîya fîzîkî ya Rayber Abdullah Ocalanî meşru bikerê” konferans pê ame. Konferans bi tewrbîyayîşê 156 endam, şexsîyetê cinî yê Herêma Vakur û Rojhelatê Sûrîye pê ame. Cinîyê ke tewrê konferansî bîyî wina vatî: “Azadîya fîzîkî ya Rayber Abdullah Ocalanî azadîya ma yo.” 

 

Verfeka Însîyatîfê Azadîya Rayber Abdullah Ocalanî ya Sûrîyeye Amine Xidroya ke tewrê konferansî bîbî ajansê ma rê derheqê amanc û fikrê ke konferans de vejîyayî aver kerd û wina vat: "Konferanso ke bi serkêşîya Kongra Star û Kombîyayîşê Cinîyê Zenobya ame organîzekerdiş xeylê muhîm bî. Nê konferansî de babetê sîyasî, weşî û huqûq ameyî munaqaşakerdiş. Sewbîna hetê beşdaran ra xeylê fikr û pêşnîyarê muhîm ameyî kerdiş. Înan ra yew şermezarkerdişê heme tewirê komployî bî. Heme rêxistin û dewletê ke deste înan komployî mîyanneteweyî yê serê Rayber Abullah Ocalanî de estê zî ameyî şermezarkerdiş. Reaksîyon û nêrazîbîyayîşê vera nizdîbîyayîşê CPTyî zî vejîya aver. Pêşnîyaran de ame vatiş ke ganî waştişê azadîya Rayber Abdullah Ocalanî her ca de bêro kerdiş ke tecrîd û komplo peynî bibê."

 

 'Seba rijnayîşê tecrîdî konferans muhîm bî'

 

Sewbîna Amineye derheqê muhîmîya çalakîyê înan ke bi amancê azadîya fîzîkî ya Rayberê PKKyî Abdullah Ocalanî pê yenê de wina vat: “Bêvengîya dewletê mîyanneteweyî yê serê dewamkerdişê komployê serê Rayber Abdullah Ocalanî bî sebebêk bingeyîn ke ma ewro hîna zêde çalakîyan pê bîyarê. Cinîyan waştî ke bi pêardişê konferansêk winasî raştîya sîyasetê qirkerdiş û tecrîdî bivejnê raşte. Sewbîna seba tecrîd têk şêro konferansêk winasî ame viraştiş. Ma zî vera komplo û seba têkşîyayîşê tecrîdî her tim çalakîyê xo pê anê. Coka ra seba rijîyayîşê tecrîdî Reqa de viraştişê konferansê cinîyan muhîm bî. 

 

'Rijnayîşê komployî wezîfeyê ma yê yewine yê cinîyan o' 

 

Qiseykerdişê xo yê peyênan de Amineye da zanayîş ke seba rijnayîşê înan sîsteman û seba rijnayîşê komployê mîyandewletî yê serê Rayberê PKKyî Abdullah Ocalanî wezîfe û barê tewr ewilo ke keweno serê milê cinîyan û wina vat: “Rayberî cinîyan rê ber da akerdiş. Ber da akerdiş ke cinî têkoşînê xo berz bikera û cayê xo raşteyê sîyasî û leşkerî de bigêra. Sewbîna Rayberî ber akerd ke cinî bi têkoşînê xo faşîzmê birijna.”

 

'Bi têkoşînê cinîyan vengvetişê komployî dewam keno' 

 

Endama Komîteya Têkiliyê Dîplomasî ya Partîya Yewîya Demokratîk (PYD) Ayşe Hiso zî serê konferansî ame organîzekerdiş wina vat: "Reqa de konferansêk bi taybetî semedê azadîya fîzîkî ya Rayberê Şarê Kurdî Abdullah Ocalanî ame organîzekerdiş. Waştî bi esîrgirewtişê Rayberê bîyayîş û felsefeyê Raybertî, bîyayîşê şarê aştîwaz werte ra wedarnê. Labelê ewro xoverdayîşê Rayberî zereyê Zindanê Îmraliyî de dewam keno. Xoverdayîşê şar û yê şerwanê azadîye no komplo veng vet. Sewbîna ewro ma vînenê têkoşînê semedê vengvetişê komployî heta roja ma ya ewro zî dewam o û no zî bi taybetî bi serkêşîya cinîyan yeno kerdiş." 

 

'Felsefeya Rayberî felsefeya rastî ya cuye ya' 

 

Ayşe dewam de vat, dewamkerdişê têkoşînê înan semedo ke xo û Rayberê PKKyî Abdullah Ocalanî azad bikero yo û wina vat: "Ked û têkoşînê ma yo ke ewro bi domdarî yeno kerdiş, amancê ci destpêk de azadîya Rayberê Şarê Kurdî Abdullah Ocalanî yo. Ganî ma azadîya Rayberê xo misoger bikerê. Eynî wextî de azadîya cinîyan ma misoger bikerê, semedo ke azadîya fîzîkî ya Raybertî azadîya ma cinîyan o. Ewro cinî her wareyî de yenê qirkerdiş û çinkerdiş mîyanê sînorê hişmendiya faşîzmî yê îqtîdar de yenê vindarnayîş. Semedo ke serê rayîrêk rast bi felsefeya Rayberî karê xo danê dewamkerdiş. Sewbîna semedo ke cinî ewro semedê azadîya Rayberî konferansêk xo yê hîra bi nê hawayî organîze keno û berê newe semedê averşîyayîş dano akerdiş. Munaqeşe û diyalogan aver beno. No zî dano dîyarkerdiş ke felsefeya rastî ya cuye na ya.”