MERKEZÊ XEBERAN - Planê îmarî yê Kanal Stenbolî ame betalkerdiş. 

 

Dadgeha 11ine ya Îdareyî ya Stenbolî planê îmarî yê Raşteyê Awdayîşê Rezerve yê Yenîşehîrî yê Kanal Stenbolî betal kerd. Şaredarê Bajarê Girdî yê Stenbolî Ekrem Îmamoglû vat ke bi Projeyê Kanal Stenbolî reyde “şaşîyêk pîlî ameyo kerdiş.’ Ekrem Îmamoglû vat ke semedo ke qerarê dadgeha îdareyî yo, no qerar teqez nîyo û dewayê înan dadgehê îdareyî û Dadgeha Berzî dewam kenê. 

 

Dewaya ke Şaredariya Bajarê Girdî ya Stenbolî derheqê planê îmarî yê projeyê akerdibi de qerar ame dayîş. Dadgehe planê îmarî yê Wezaretê Derûdorî, Bajarwanî û Vurnayîşê Îklîmî betal kerd. Sewbîna redkerdişê îtîrazê ÎBByî zî sey bêhuqûqî ercna.