ÇEWLÎG - Rayîr ra şîyayîşê Azadîye yo Pîl resa Çewlîgî. Tîya de Gulîstane Kiliç Koçyîgît qisey kerd û pare kerd ke heta ke berê Îmraliyî anêbê demokrasî û haştîye do nêra welatî. 

 

Seba azadîya Rayberê PKKyî Abdullah Ocalanî û çareserîya meseleya kurdan Rayîr ra şîyayîşê Azadîye yo Pîl di baskan ra dewam keno. Baskê Qersî ewro resaye Çewlîgî. Dekewtişê şaristanî de xeylêk merdiman raywanî bi sloganan pêşwazî kerdî. Dima Raywananê Azadîye şarî reyde ver bi merkezî rayraşîyayîş kerd û eşkerayîye daye. 

 

Serekwekîla Grûba DEM Partî Gulîstane Kiliç Koçyîgît tîya de qisey kerd. Gulîstane pare kerd ke ziwan û tarîxê kurdan hema zî yenê înkarkerdene û vat: “100 serrî yo feraseto tekperest dewam keno. Ma vera nê ferasetî rayîr ra şîyayîşê xo kenê. Seba çareserîya meseleya kurdan ganî Birêz Abdullah Ocalanî de dîyalogî bêrê kerdene. Heta ke berê Îmraliyî anêbê demokrasî û haştîye do nêra welatî. Abullah Ocalanî ra xeberêke nêna girewtene, nêzanîyeno ke weşî û rewşa ey senîn a. Ma wayîrê îradeyê haştîye vejîyenê. Eke şima raşta zî demokrasî wazenê berê Îmraliyî abikerê. Eke şima raşta zî haştîye wazenê, azadîya Birêz Ocalanî bîyarê ca.”

 

Gulîstane, qiseykerdişê xo wina dewam kerd: “Ocalanî ra agahî nîna girewtiş û ma nêzanê çi şert û mercan de maneno. Ma vengê birêz Ocalanî nêeşnawenê. Ma wayîrê îradeyê aştî ke wazenê bifetisnê vejênê. Şima do berê Îmraliyî abikerê. Eke şima aştî biwazê, o dem ganî şima birêz Ocalanî vera bidê.” 

 

Bernameyê Çewlîgî bi govendan qedîya.