MERKEZÊ XEBERAN - Bi serkêşîya Merkezê Komelê Kurdî yê Demokratîke Swêdî (NCDK) û Meclîsê Cinîyan ê Amara, Stockholm de çalakîya şirawitişê kartpostalan semedê Rayberê PKKyî Abdullah Ocalanî dest pêkerd.

 

Çalakîya şirawitişê kartpostalan, çarçewaya hemleyê 10ê Teşrîna Verêne de virazîya de hetê dostanê şarê kurdî ra sewîyeya mîyanneteweyî de bi sloganê 'Azadî Abdullah Ocalanî rê, problemê kurdî rê çareserîya sîyasî’ ame destpêkerdiş.

 

Kampanya bi şirawitişê 100 hezar qertî yê semedê Îmraliyî ke çar hetê dinya ra yeno rayîr ra berdiş, paytextê Swêdê Stockholmî de zî dest pêkerd.

 

Pêwa seferberiya şirawitişê kartpostalan, sewbîna cayê cîya yê Stockholmî de afîşê bi waştişê azadîya Abdullah Ocalanî ameyî daliqnayîş.

 

Stockholm de çarçewaya kampanya de do 10ê sibate konferansêk û 11ê sibate de zî rayîrraşîyayîşêk semedê rojêke bêrê organîzekerdiş.