Melek Avci

 

ANQARA - Endama Komîteya Paştîdayîşê Kurdistanî Sarah Glynne dîyar kerd ke ganî tecrîdê hemverê Abdullah Ocalan bêro şermezarkerdiş û vat: "Kesê ke wayîrê selahîyatî ke tedaye Tirkîya bikerê, hetê exlaqî de îflas kerdî. Semedê kapîtalîstê Amerîkaye Ocalan û Têgêrayîşê Azadîya Kurdî tehlukeyêk gird ê.” 

 

Rayberê PKKyî Abdullah Ocalan bi komployêk Kenya ra ame remnayîş û teslîmê Tirkîya ame kerdiş. Abdullah Ocalan 25 serrî yo Îmraliyî de yeno tepiştiş. Komployê mîyanneteweyî de xeylê hêzê emperyal û dewletê ke NATOye de ca gênê est ê. Mîyanê 25 serranê ke derbaz bîyî de Rojhelatê Mîyanên de şerêk ke bê maben dewam keno est o. 

 

Bi wesîleya nizdîbîyayîşê serrgêra tepiştişê Raberê PKKyî Abdullah Ocalanî pêroyê Ewropa û dinya de çalakîyê ‘Semedê Ocalanî azadî, probleme kurdî rê çareserî’ dewam kenê. Endama Komîteya Paştîdayîşê Kurdistanî Sarah Glynna ke xebatê kampanyaye û hemleye de ca girewtêne proses ercaneye. 

 

Îflasê exlaqî 

 

Sarahe da zanayîş ke wexto ke merdim ewnîyeno sîyasetê şer û qirkerdişî ke dinya de qewimîyeno, tecrîdê serê Abdullah Ocalanî merdiman şaş verdeno û at: “No îflasêk exlaqî yo. Tecrîdêk ke hezar rojî derbaz kerdo merdiman şok keno. Verê çimanê pêroyê dinya de kerkerdişêk yeno ciwîyayîş, lîderê ke qalê huqûq û heqanê merdiman kenê, semedê vindarnayîşê nê qewimîyayîşan tu çîyêk nêkenê. Nê prosesî de gelo ma do senî vera çinîhesibnayîşê qanûnê esasî yê merdimîye de şaş manenê? Ganî tecrîdê serê Birêz Ocalanî bêro şermezarkerdiş la kesê ke na babete de wayîrê selahîyetî ke tedaye bi Tirkîya bikerê, hetê exlaqî de îflas kerdî.”

 

‘Vera NATOye weriştiş û rayîr pêşkêşkerdiş’ 

 

Sarahe dîyar kerd ke mudaxaleyê vera Rayberê PKKyî bi amancê gama ewil ê ‘Projeyê Rojhelatê Mîyanênî ê Gird’ ê DYAye û bi amancê menfîetê kapîtalîstan ameyo kerdiş û wina dewam kerd: “Têgêrayîşê Azadîya Kurdî sey tehlukeyêk ame dîyîş. Çîyê ke DYAye kerd, seba menfîetê kapîtalîst, elîtan bî. Perwerdeyîyo ke Ewropa de danê ma, vanê ke Amerîka hêzo ke dinya de başî awan keno yo. Eke ma bi zanê ke raştî dinya senî yena rayîr ra berdiş, ma do nê çîyê ke ameyî musnayîş bieştêne serê eşteyî. Semedê kapîtalîstê Amerîkaye Abdullah Ocalan û têgêrayîşê kurdî tehlukeyêk gird yenê dîyîş. Vera NATOye de vejîyayîş û rayîrêk cîya pêşkêşkerdiş o.” 

 

Hêzan çîyê ke hêvî kerdêne nêdîyî 

 

Sarahe ard ziwan ke NATO û emperyalîstan Têgêrayîşê Kurdî bi tehluke dîyî û waştî ke bi komployî tasfîye bikerê la nêresayî serkewtiş. Sarahe vat ke hêzê emperyal çîyê ke hêvî kerdêne nêdîyî. 

 

‘Hemle her cayê dinya de yeno rayîr ra berdiş’ 

 

Sarahe qiseykerdişê xo yê peyênand bale ant serê hemleya ke seba azadîya fîzîkî ya 10ê Teşrîna Verêne û wina vat: “Ez nobetê Strasburg û bi taybetî zî serê malperê webî ra xebata nobete ‘https://www.ocalanvigil.net' rayîr ra bena. Ma çalakîyê protestoyî rayîr ra benê. Hemleyê nika Ewropa derbaz kerd û verê çimanê dinya de yeno rayîr ra berdiş. No zî hêvîye dano merdiman.”