SÊRT - Namzetê hemşaredarîyî yê DEM Partî Sofya Alagaş û Mehmet Kaysî serdayîşê Bazarê Heywanan, Bazarê Zerzewat û Herêma Sanayî kerdî.

 

Namzetê hemşaredarîyî yê Partîya Têduştî û Demokrasîyî yê Şaran (DEM Partî) Sofya Alagaş û Mehmet Kaysî û îdarekarîyê DEM Partî çarçewaya xebatê weçînayîşê herêmî yê 31ê Adare de serdayîşê xo yê esnafan dewam kerdî. Namzetan û îdarekarîyê partîye serdayîşê Semtê Bazarê Heywanan, Bazarê Zerzewatî yê Taxa Dogan û Herêma Sanayî ya serê rayîrê Ziyaretî kerdî. Şar, namzetan bi çepikan pêşwazî kerd û sozê paştdayîş dayî. Hemserekê DEM Partî yê Sêrtî Revşan Arslan û Eşref Tekîn û hemserekê qezayan ê DEM Partî zî serdayîş de ca girewtî. 

 

Serdayîş de namzetê hemşaredarîyî yê Sêrtî Mehmet Kaysî qiseykerdişêk kilm kerd û bale ant serê kayê vurnayîşî yê weçînîtoxan ê bajarê Sêrtî û dîyar kerd ke bi hemkarîya şarî ê do zorê barbarîya înan berê.