MERKEZÊ XEBERAN - Hêzê paramîlîterî yê girêdayeyê Tirkîya, Efrîn de reya 5ine Zeynep Mihemed Guluşo remnayî.

 

Rêxistina Heqê Merdiman ê Sûrîye-Efrînî neql kerd ke hêzê paramîlîterî yê girêdayeyê Tirkîya cinîya bi nameyê Zeynep Mihemed Guluşo (57) dewa Mabetlî ya Efrînî ra remnayî. Goreyê xebera Ajansê Xeberan ê Hawarî (ANHA), goreyê çimeyê herêmî, Zeynebe vernîya nika 4 rey ameya remnayîş û dimayê dayîşê fidye ameya veradayîş. Aqûbetê Zeynebe dîyar nîyo.