COLEMÊRG - Heyeto ke tewrê “Rayîr ra Şîyayîşê Gird ê Azadîye” ke Wan ra kewtbî rayîr bî, Gever de bi çepik û sloganê “Biciwîyo Xoverdayîşê Zîndanan” ame oxirkerdiş.

 

“Rayîr ra Şîyayîşê Gird ê Azadîye” seba azadîya fîzîkî ya Rayberê PKKyî Abdullah Ocalanî û çareserîya demokratîke ya problemê kurdî Wan ra dest pêkerd, qezaya Geverî ya Colemêrgî de bi çepik û sloganan ame oxirkerdiş. Baskê ke Hemserekê Pêroyî yê Partîya Herêmê Demokratîke (DBP) Keskîn Bayindir, MED-TUHAD-FED û xeylê dezgehê sivîl ra pê ameyêne awanîya qezaya DEM Partî ya Geverî de ameyî têkişt. Rayîrberê DEM Partîye verê awanîye de kewtî rêz û çalakîkerî rayîr ra şîyayîşê azadîye silam kerdî û bi sloganê “‘Biciwîyo Xoverdayîşê Zîndanan” oxir kerdî. 

 

Heyet wexto ke qezaye ra vejîya bi nîşaneyê serkewtişî şarî silam kerd. Şar zî bi nîşaneyê serkewtişî kesê ke “Rayîr ra Şîyayîşê Gird ê Azadîye” de ca gênê oxir kerd. 

 

Dingê çalakîkerê azadîye do Colemêrg bo. Raywanê ke ewro tîya de şarî reyde bêrî têkişt, do siba ver bi Şirnexî ra bikewê rayîr.