MERKEZÊ XEBERAN - Komê girêdayeyê dewleta tirkan Efrîn de cinîyêke û kênaya aye remnayî.

 

Goreyê agahîyê ke çimeyan dayê, komê girêdayeyê dewleta tirkan Efrîn de 23yê Çeleyî de cinîyêke û kênaya aye remnayî.

 

Çimeyan da zanayîş ke cinîya ke ameya remnayîş, nameyê aye Nadiya ya, bajarê Dûma yê dewa Şamê ra ya. Çimeyan vat, Nadiye pêwa kênaya xo ya bi nameyê Şeza (9) Şamê ra şîyê Efrîn û paweyê kontrolî yê Kefer Cena yê serê rayîrê Efrîn û Ezazî de ameyê remnayîş. Sewbîna dîyar kerdî ke çeteyan semedê serbestveradayîşê dadî û kênaya aye 10 hezar dolar waştê.

 

31ê Çeleyî de çeteyê koma "Sultan Murad" welatijê bi nameyê Silêman Berekat Eqîl (36) taxa Zeydiye ya bajarê Efrînî remnabî û berdî cayêk nêdîyar.

 

Efrîn 2018 ra binê kontrolê dewleta tirkan û komê girêdayeyê ci de yo û sûcê remnayîş, desteştiş û talankerdişê mal û milkan û qirkerdişî xoza ci de dewam kenê.