RIHA - Riha de bînaya ke Erdlerzê 6ê Sibate de zerar dîbî la nêamebî rijnayene, rijîyaye. Netîceya serebûtî de 2 kesî merdî û 8 kesî zî birîndar bîyî. 

 

Erdlerzê 6ê Sibata 2023yî de taxa Delîlerî ya qezaya Hewagî ya Riha de xeylêk bînayan zerar dîbî. Bînayêka ke o çax xesar dîbî la nêamebî rijnayene, serê sibayî xo bi xo rijîyaye. Komê AFADî, îtfaîya û weşîye sewqê cayê serebûtî ameyî kerdene. Binê bînaya rijîyaye ra cenazaya Serape Urak (49) ameye vetene. Cemîle Arikan (56) bi birîndarî binê bîna ra ameye vetene la dima nêweşxane de dinyaya xo bedilnaye. 

 

Serebût de 8 kesî zî birîndar bîyî.