MERKEZÊ XEBERAN - Tekoşînê roniştoxê Taxa Newroze ya Kerkûkî ya hemverê îşxalkerdişê artêşa Iraqî kewt roja 30ine.

 

Artêşa Iraqî ke kewte Taxa Newroze ya Kerkûkî û hewl dana ke roniştoxê taxe yê kurdî keye ra veja û vera înan ereban bi ca bikera. Roniştoxê kurdî yê taxe bi aşmêke yo bi çalakîya çadire hemverê îşxalkerdişê artêşa Iraqî xo ver danê

 

7 keyeyê taxe hetê artêşa Iraqî ra bi wesayîtê zirxî ameyê ablûqakerdiş. Leşkerî hîn zî keyeyê ke îşxal kerdê  nêvejîyayê. Roniştoxê taxe yê kurdî hemverê nê îşxalkerdişî bi çalakîya çadire xo ver danê.

 

Roniştoxê taxe vanê ke dimayê  rejîmê Basî, ê nê keyeyan de ca bîyê û tu hetê nêyê qanûnî çin o.

 

Taxa Newroze ke 200 keyeyî est ê û bi pêroyî keyeyê kurdî yê. Roniştoxê  taxe semedo ke hemverê rejîmê Basî vejîyayî, mecbûr mendê ke koç bikerê bajarê sey Hewlêr û Silêmanîye. Dimayê rijnayîşê Beasî ancî agêrayî taxa xo û tîya ciwîyayî.