STENBOL - Roniştişê dewaya ke seke “Dewaya Çapemenîya KCKî” yena zanayîş û 46 kesî ci ra yenê muhakemekerdiş, Stenbol de ameye kerdiş û reya 30ine ameye taloqkerdiş. 

 

Roniştişê 30ine dewaya 46 rojnamegerî û xebatkarê medya ke sey “Dewaya Çapemenîya KCKî” yena namekerdiş, 3ine Dadgeha Cezaya Girane ya Stenbolî de ame kerdiş. Çagdaş Uluş ke bi hawayêkê bêtepişte yeno muhakemekerdiş û avûkatî tewrê roniştişî bîyî. Semedo ke heyetê dadgehe amebi vurnayîş, zabitê verî ameyî wendiş. 

 

Waştişê “îadekerdişê telefonan” ame redkerdiş. Dadgehe qerar da ke xo paweyê înfazkerdişê qerarê tepiştişî yê semedê Îsmet Kayhan bido. Roniştiş taloqê 25ê nîsane ame kerdiş.