DÎLOK – Halîl Çaglar, cinîya xo Yuksel Çaglar û 2 birayê aye qetil kerd, waya Yuksele û kênaya xo zî birîndar kerd. 

 

Dîlokê de Halîl Çaglar (47) cinîya xo û 2 birayê aye qetil kerd. Kênaya xo û waya cinîya xo zî birîndar kerd. Yuksel Çaglara ke bi hawayêkê sîstematîk şîdet ci rê ameyîne kerdiş, şî verê keyeyê xo yê Taxa Belkisî ya qezaya Belkîsî ya Dîlokî de ciwîyayîne. Halîl Çaglarî roja bîne bi sebebê ke “ci reyde qisey bikero” şi keyeyê Yuksel Çaglara ke ci de ciwîyayîne, tîya de bi çeke hêrişê cinîya xo Yuksele û birayê aye Mehmet û Ahmet Oymakî kerd. Yuksel Çaglar û birayê aye cayê hedîse de dinyaya xo bedelnayî. Hêrişkar waya Yuksel Çaglare, Adîle Oymak û kênaya xo Nîmete zî bi çeke birîndar kerd. Ame zanayîş ke rewşa birîndaran giran a.

 

Faîlo ke cayê hedîse ra rema, qezaya Bêrecûkî ya Rihayî de bi eynî çeke xo kişt.