ERZİROM - Erzirom û qezayanê ci semedê varayîşê vewre ke 2 rojî yo bêmabên varena, rayîrî dekewtiş û vejîyayîşî rê ameyî padayîş.

 

Semedê varayîşê vewra ke bi 2 rojî yo seranserê Erziromî de vareno, cuye vinderte û rayîrê xeylêk taxan ameyî padayîş. Qereçoban de rayîrê 172 taxan, Qereyazî 147 taxî, Tatos de 116 taxî, Çatê de zî 82 taxî rayîrê înan dekewtiş û vejîyayîşî reyde ameyî padayîş. Sewbîna herêma Ovacikî ya Êspîrî zî  rayîrî dekewtiş û vejîyayîşî rê ameyî padayîş.

 

Qereçobanî de axûr rijya

 

Heto bîn ra taxa Bûrnazî ya Qerecobanî semedê varayîşê vewre bi tesîr bî, axurêk rijya. Netîce de pesêk mirdar bî û bi hemkarîya roniştoxê taxe 43 pesî zî ameyî xelisnayîş. Semedê nê firtoneyê xidar, serê rayîrê dewan ê ke rayîrê sereyînî dûr ê, xebatê akerdişê rayîrî nêeşkenê bêrê kerdiş.