Mîdye Miqted

 

HELEB - Cinîyê Helebî derheqê sucê merdimîye yê ke Efrîn de qewimîyenê de dayî zanayîş ke ganî vera nê sucan de her tim serewedarnayîş bibo û vatî: “Semedo ke cinî xo kerdoxan ra bipawê, ganî timî têkoşînê xo gird bikerê. Ganî vera hêrişan de têkoşînê xo gird bikerê.” 

 

Dimayê ke dewleta tirkan û komê girêdayeyê ci Efrîn kerdî binê kontrole xo, sucê merdimîye tîya de ameyî ciwîyayîş. Cinî ameyî remnayîş, fidye seba înan ame waştiş. Tecawuz û îşkence bi cinîyan ame kerdiş. Tewr peynî zî derheqê di cinîyan de qerarê daliqnayîşî ameybî dayîş. Cinîyê Helebî reaksîyon nîşanê kerdişanê ke Efrîn de qewimîyenê, dayî û vatî: “Dewleta tirkan û çeteye girêdayeyê ci bi amancê qirkerdişê cinîyan û çinîkerdişê îradeyê cinîyan hêriş kenê. La waştişê dişmenî do pê nêro. Cinî bi têkoşînê xo her tim vera hovîtîya dewleta tirkan de cewab benê.” 

 

'Ma zî hemverê nê kerdoxan de bêveng û bêcewab nêmanenê’ 

 

Endama Partîya Yewîya Demokratîke (PYD) Mewlîde Silêman dîyar kerd ke komê girêdayeyê dewleta tirkan Efrîn de her tim sucê merdimîye kenê û wina vat: "Efrîn de her roje cinî û hemwelatijê Efrînî hetê dewleta tirkan û çeteyê girêdayeyê ci ra yenê îşkencekerdiş. Sewbîna cinî yenê remnayîş, yenê kiştiş. Sewbîna derehqê cinîyan de qerarê daliqnayîşî yeno dayîş. Ma zî hemverê nê kerdişan de bêveng û bêcewab nêmanenê.” 

 

'Cinî bi têkoşînê xo her rey hemverê hovîtîya dewleta tirkan de benê cewab' 

 

Mewlîde da zanayîş ke ê do tu wext fek têkoşînê xo yê hemverê hêrişan de vera nêdê û wina vat: "Dewleta tirkan û hemkarê ci her kerdişê xo serê cinîyanê ma de bi hovîtî danê dewamkerdiş. Dewleta tirkan û çeteyê girêdayeyê ci bi amancê qirkedişê cinîyan û zorberdişê îradeyê cinîyan hêriş kenê. Labelê do waştişê cinî pê nêro. Cinî bi têkoşînê xo  her rey hemverê hovîtiya dewleta tirkan benê cewab.”

 

'Ma nêverdenê reyna dewleta tirkan tarîxê qirkerdişî newe bikera' 

 

Endama Partîya Yewîya Demokratîke (PYD) Zeyneb Elîye dîyar kerd ke dewleta tirkan û hemkarê ci menfîetê xo vera hêrişê xo dewam kenê û wina vat: "Nika dewleta tirkan hêriş kena û dewletê bînî zî semedê menfîetê xo bêveng ê. Ma vera kerdişanê ke Efrîn de qewimîyenê vejîyenê û reaksîyon nîşan danê. Ma nêverdenê reyna dewleta tirkan tarîxê qirkerdişî newe bikera.”

 

'Wazenê ke cinîyan tepîya agêrnê seserra koletîye' 

 

Zeynebe dîyar kerd de dewleta tirkan û hemkarê aye her tewirê hêrişan serê cinîyê zanaye yê ke xo aver bena, ceribnena û kena hedef û wina dewam kerd: "Her reye cinîya ke xo û bîyayîşê xo nas kerda bena hedefê dewleta tirkan ya îşxalkere. Dewleta tirkan bi rayîrê hedefgirewtişê cinîyan wazena komelê kurdî bi temamê qirkerdişî ra derbaz bikera. Bi taybetî Efrîn de cinî yenê tecawuzkerdiş û îşkencekerdiş. Bi rayîrê nê kerdişan wazena ke cinîyan reyna tepîya agêrna seserra verê koletîye." 

 

'Ganî vera hêrişan de têkoşînê xo gird bikerê' 

 

Qiseykerdişê xo yê peyênan de Zeynebe ard ziwan ke heta ke cinî xo nas nêkera û bîyayîşê xo nêpawa do her reye qirkerdişî ra derbaz biba û vat: "Seba ke cinî xo kerdoxan ra bipawê ganî timî têkoşînê xo gird bikerê. Ganî vera hêrişan de têkoşînê xo gird bikerê.”