MERKEZÊ XEBERAN - Koreyê Başûrî de hewl ame dayîş ke parlamentere Bae Hyun-jin kuçe de bêra qetilkerdiş. 

 

Parlamentera Partîya Hêzê Şarî ke Koreyê Başûrî de îqtîdarî de ya, Bae Hyun-jine paytextê Seulî de kuçeyêk herêma Gangnamî de hetê kesê nenasî ra hewl ame dayîş ke bêra qetilkerdiş.

 

Eşkerayîya ke hetê ekîbê Baeye ra ameye dayîş ke wina ame vatiş: “Kiştox hêriş ra ver yeno parlamentere û vano ‘ti parlementere Bae Hyun-jine ya?’. Dima ra zî hewl dano ke aye qetil bikero. Baeye dimayê hêrişî wedarîyaye nêweşxane, kerdox zî cayê hêrişî de yeno destbendkerdiş. Bae hîşê xo ser de ya û tehlukeyê cuye çin o.”

 

Îfadeyo ke kiştox da de vano ke o 15 serrî yo û ame zanayîş ke derheqê qewimîyayîşî de tehqîqat dîyayo destpêkerdiş.