AMED - DEM Partî seba dîyarkerdişê namzetê xo yê seba Şaredarîya Amedî turê diyînî yê verweçînayîşî kena. 

 

Turê yewin ê semedê dîyarkerdişê endamê Şaredarîya Bajarê Pîlî ya Amedî ya DEM Partî 21ê çeleyî de ame kerdiş. Verweçînayîş de endama cinî Serra Bûcak, se ra 50+1 ray girewte û bî namzeta Şaredarîya Bajarê Pîlî ya Amedî. Komîsyonê Verweçînayîşî zî endamîya Serra tesdîq kerd. 

 

DEM Partî seba dîyarkerdişê namzetê xo yê camêrdî yê seba Şaredarîya Amedî turê diyînî yê verweçînayîşî kena. Verweçînayîşan de Dogan Hatun û Garî Kandemîr musabeqa kenê. Oyo ke se ra 50+1ê rayan bigêro do bibo namzetê DEM Partî. 

 

Merkezê ke tede rayî dîyenê

 

Bajara Nû: Salona Dawetî ya Kaplanî ya Îstasyon 

 

Sûr : Salona Dawetî ya Nîlgune 

 

Rezan: Salona Dawetî ya Şolenî 

 

Peyas: Kaplan City (Salona Manolya) 

 

13 qezayanê bînan de bînayanê DEM Partî de sindoqî ronîyayî.