MERKEZÊ XEBERAN - Kongra Starî derheqê hêrişê serê Vakur û Rojhelatê Sûrîye venga pêro rêxistinê cinîyan û heqê merdiman kerd û vat: "Semedê dewleta tirkan ra hesab bêro perskerdiş, veng bidê.”

 

Kongra Starî bi eşkerayîyêke nuşteyî hêrişê dewleta tirkan yê serê Vakur û Rojhelatê Sûrîye şermezar kerd û waşt raşteyê hewayî yê herême, vera teyareyê dewleta tirkan bêrê padayîş.

 

Eşkerayîye de wina ame vatiş: "Dewleta tirkan teror hemverê roniştoxê Vakur û Rojhelatê Sûrîye ca ana, hewl dana rewşêke bêhizûr herême de viraza, DAIŞ gane bikera, roniştoxan bitersna ke mecbûr ê terkkerdişî bibê.”

 

Eşkerayîye de ame dîyarkerdiş ke dewleta tirkan bi hêrişan wazena serkewtişê şorişê cinîyan û sîstemê Îdarekarîya Xoserîya Demokratîke ya Herêma Vakur û Rojhelatê Sûrîye werte ra wedarna û wina vat: "Ma tehdîdê şerî û hêrişê domdarî bi şîdet şermezar kenê. Sey rêxistinêke çalakî herême de ma muhîmîyê şorişê cinîyan û destkewtişê ci nas kenê, ma teslîm nêbenê. Bêvengîya rêxistinê mîyanneteweyî hêze dano deweleta tirkan a faşîst û tehdîdê aye yê serê temamê dinya zêde keno, nê semed ra bêvengî ra dewleta tirkan sûcê xo dewam kena.

 

Eşkerayîye de no vengdayîş temamê rêxistinê cinîyan, rêxistinê heqê merdiman, hêzê demokratîk yê hemverê faşîzm, hemverê kapîtalîzmê û hemverê kolonyalîstî ame kerdiş:

"Paştdayîş bidê Şorişê Cinîyan ê Vakur û Rojhelatê Sûrîye. Beşdarê çalakîyê pêroyî û yê sîyasî yê bi vengdayîşê vindarnayîşê hêrişan bibê. Semedê sûcê şerî yê ke pê anê, venga hesabpersayîşî dewleta tirkan ra bikerê. Vengê xo bidê vengê ma yê padayîşê raşteyê hewayî yê Vakur û Rojhelatê Sûrîye.”