Oznûr Deger

 

MÊRDÎN – Cinîya 81 serrî ya ke Qoser de ciwîyena, nêweşîya alzheîmerî ya û bi zorî rayîr ra şina, Şemsî Erola ke endama HDPyî bî, dîyar kerd ke torinê aye ewnîyayî e-devletê aye û uca de dîyî ke 2022yî de aye kerdî endama AKPyî. Şemsîye reaksîyon mojna rewşe û vat ke do muracatê ÎHDyî bikera.

 

Şemsî Erola 81 serrî ke qezaya Qoserî ya Mêrdînî de ciwîyena û nêweşa Alzheîmerî ya, bi zorî qisey kena û rayîr ra şina. Bê xebera Şemsîye aye kerdî endama AKPyî. Rojanê verênan de torinê aye ewnîyenê E-dewletê pîrika xo û vînenê ke pîrika înan Şemsî ya ke endama Partîya Demokratîke ya Şaran (HDP) ya, qeydê aye ameyo pakkerdiş û aye kerdî endama AKPyî. 

 

Tutê Şemsî ke e-devlete de serê persayîşê butonî ra Persayîşê Endamtîya Partîya Sîyasî ya Serekkomarîya Dadgerîye kerdî, bi netîceyê ‘Şima endamê aktif ê demê serra 2022-2 yê Teşkîlatê Partîya Adalet û Averberdişî yê Mêrdîn-Qoserî yê’ reyde ameyî rî bi rî. Tutê aye dîyar kerdî ke aye wendiş û nuştiş nêzana, tirkî zî nêzana û bê xebera aye nêweşîya aye vera îmze nêeşta tu cayêk. 

 

Şemsîye reaksîyon mojna na rewşe û wina vat: “Torinê mi di roje verê cû ameyî keyeyê ma. Vatî ‘pîrê to kerdî endama Erdoganî’. Mi fehm nêkerd, mi vat senî mi kerdî endam. Ez raya xo nêdana înan. Ez HDPyî ya, mi senî kerdî AKPyî?’ Ez Tirkî zî nêzana. Ez înan hes nêkena. Mi senî kerdî endama xo. Wa mi ra dûr vinderê. Bê xebera mi mi kerdî endam. Torinê mi nêvatêne xebera mi çinî bî. Ma do heqanê xo bigîrê. Ma wazenê zaliman ra bixelisîyê. Ez do muracatê ÎHDyî bikera.”