WAN - Wan û qezayê ci de delegeyî cayê ke rayî bêrê dayîş, kom bî û namzedê xo dîyar kenê.

 

DEM Partî seba dîyarkerdişê namzetanê xo yê şaredarîyan Wan, Mêrdîn û şaristananê Serhedî de verweçînayîşan kena. Wan û şaristananê bînan ê herêma Serhedî de xeylêk merkezan de DEM Partî sindoqî nayî ro. Serhed de qasê 35 hezar kesî do seba 8 şaristanan û 35 qezayan raye bidê. Şaro ke 

saetê serê sibayî de herikyayî eywan, awanîyê merkez û qezayê ke sindoqî ci de ameyê ronayîş, şayîya demokrasî kenê. Saete 10.00 ke raydayîş dest pêkerd, do saete 4.00ê yerî de peynî bibo.

 

Şayîya demokrasî de şar yeno têhet

 

Wan de 13 merkezan de sindoqî ronîyayî û wina pawîyeno ke şaristan de 13 hezar û 500 kesî do raye bidê. Rixmê varayîşê vewre zî şar eleqeyêkê pîlî mojneno û raya xo merkezan de dano. Şar ano ziwan ke ê do namzetanê xo biweçînê û qeyûmî bişawê.

 

Bername bi deqeyêk rêzgirewtişî dest pêkerd. Dimayê awankerdişê meclîsî, vernamzetan rê 5 deqîqe demê qiseykerdişê ame dayîş.