WAN - Semedê weçînayîşê herêmî 13 û 14ê çeleyî de bajarê Kurdistanî de verweçînayîşî bêrê kerdiş û delegeyî do rayanê xo bi şuxilnê. DEM Partî bajaranê Serhedî de semedê weçînayîşî amade yo û do delegeyî şêrê serê sindoqan.

 

Semedê weçînayîşê herêmî yê ke 31ê Adare de bêro kerdiş, Partîya Têduştî û Demokrasî yê Şaran (DEM Partî) do 13ê çeleyî de verweçînayîş bikero û semedê verweçînayîşî rojêke mend. Goreyê netîceyî do bimano tûrê dîyîne. Do verweçînayîşî mabêne saete 08.00-16.00 de bêrê kerdiş. Bajarê Kurdistanî ke do sindoqî bêrê ronayîş, vernîya şuxilnayîşê rayan do vernamzetanê xo bidê nasnayîş. Dimayê şinasnayîşî do delegeyî rayanê xo bi şuxilnê. Vernamzetan ra kam zêde ray bigîro do weçînayîşê 31ê Adare de sey namzetê DEM Partî bêro diyarkerdiş û şêro weçînayîş.

 

Bajar û sindoqê ke do herêma Serhedî de rayî bêrê şuxilnayîş wina yê:

 

Wan 

 

Eywana Veyve ya Vîlla Parkî ya Rêya Armûşî do serê 15 sindoqan de rayî bêrê dayîş. Tûşbayî de zî do  Eywana Veyve ya Alyansî 5 sindoqî bêrê ronayîş û rayî bêrê şuxilnayîş. 6 sindoqê ke do Eywana Veyve ya Masalî ya Artemêtanî bêrê ronayîş do rayî bêrê dayîş. Eywana Veyve ya Yeşîlçamî ya lEbexî do serê 3 sindoqan de rayî bêrê dayîş. Şax de zî do qehwexaneyêk qeza de sindoqî bêrê ronayîş û rayî bêrê dayîş. Awanîya qezaya Payîzava ya DEM Partî de 2 sindoqî do bêrê ronayîş û delegeyî şêrê serê sindoqan. Do Eywana Kombîyayîşî yê Bajarê Elbakî de do 2 sindoqan de rayî bêrê dayîş. Do Eywana Vîzyontele ya Merkezê Perwerdeyê Şarî yê Westanî sindoqêke bêro ronayîş. Qezaya Bêgirî de zî awanîya Partiya DEMî de do sindoqêkek bêro ronayîş. Qelqelî do zî do Eywana Veyve ya Çelîkyayî de 3 sindoqî bêrê ronayîş. Awanîya qezaya DEMî ya Seravî de do sindoqêke bêro ronayîş. Mîks de zî do sindoq nêro ronayîş û namzetî hetê komîsyonê weçînayîşî ra bêrê dîyarkerdiş.

 

Îdir 

 

Merkezê bajarê Îdirî de Buroyê Weçînayîşî yê Zagrosî û awanîya qezaya Tozanî de zî awanîya DEM Partîye de do sindoq bêrî ronayîş. Heto bîn de do delege awanîyê Partîya DEMî yê bajarokê Hoşhaber û Halfelîyî yê girêdayeyê Îdirî de şêrê serê sindoqan. 

 

Erzirom 

 

Merkezê bajarê Erziromî ke sindoq nînê ronayîş de 4 qezayê ci de do sindoq bêrê ronayîş. Do sindoqê raydayîşî Salona Qehwexaneyê Çewlîgî yê Xinûsî, Salona Veyve ya Tema ya Gogsîyî, awanîya qezaya DEMî ya Tatosî û Salona Pastexanê Klasî ya Qereçobanî de bêrê ronayîş.

 

Mûş 

 

Merkezê bajar û 3 qezayê Mûşî de do sindoq bêrê ronayîş û delege rayê xo bidê. Delege do Salona Veyveyî ya Asmalî Konakî ya merkezê Mûşî de, awanîya qezaye DEMî ya Milazgirî, Salona Veyveyî ya Gimgimî ya qezaya Gimgimî, Otela Grand Serhadhanî ya Kopî de namzedê xo dîyar bikerê.

 

Agirî 

 

Merkeze bajarê Agirî û 7 qezayanê ci de do delege şêrê serê sindoqan. Agirî de Salona Veyve ya Aydemîrî, qezayê Tutax, Xemûr, Zêdkan, Avkevir û Giyadînî de zî awanîyê DEM Partîye de do sindoqî bêrê ronayîş û verweçînayîş bêrê kerdiş. Bazîd û Patnos de zî hema ca dîyar nêbîyo. 

 

Qers 

 

Qers de verweçînayîş nîno kerdiş û namzedî hetê Komîsyonê Weçînayîşî yê DEM Partîya Qersî ra do bêrê dîyarkerdiş. 

 

Bedlîs 

 

Qezaya Norşîn de Salona Çay Otesî Kafe, qezaya Tetwanî de Salona Veyve ya Aşîyan de, Xelatî de Salona çayî û Xîzanî de zî awanîya DEM Partîye di sindoqî bêrê ronayîş.

 

Erdexan 

 

Do sindoqê raydayîşî awanîya merkezî yê DEMî yê Erdexanî de bêrê ronayîş û delege namzedê hemşaredarê Erdexanî dîyar bikerê.